Җон керри тайип әрдоған билән учрашти

Мухбиримиз үмидвар
2013-04-07
Елхәт
Пикир
Share
Принт

Америка дөләт ишлири министири җон керри 7 - април күни истанбулда түркийә баш министири рәҗәп тайип әрдоған қатарлиқлар билән көрүшти. Америка авазиниң хәвәр қилишичә, керриниң бу қетимқи түркийә сәпириниң мәқсити түркийә билән исраилийиниң мунасивәтлирини әслигә кәлтүрүш һәм сүрийә киризисини һәл қилиш қәдимини тезлитиштин ибарәт икән.

Хәвәрдә ейтилишичә, керри түркийә ташқи ишлар министири давут оғлу биләнму көрүшүп пикир алмаштурған. Керри сөзидә йәнә америка билән түркийиниң ортақ мәқсити сүрийидә тинчлиқ билән һоқуқни өткүзүп беришни әмәлгә ашуруш икәнликини көрсәткән.

У сөзидә исраилийә билән түркийиниң оттура шәрқ мәсилини һәл қилишта охшаш муһим рол ойнайдиғанлиқини тәкитлигән.

Һазир зор сандики сүрийилик түркийидә панаһланмақта. Анализчилар керриниң түркийә сәпириниң америкиниң түркийиниң сүрийә киризисини өз ичигә алған оттура шәрқ мәсилилирини һәл қилишта актип вә муһим рол ойнаш ролиға әһмийәт бәргәнликини көрситидикән.

Пикирләр (0)
Share
Толуқ бәт