Jon kérri tayip erdoghan bilen uchrashti

Muxbirimiz ümidwar
2013-04-07
Élxet
Pikir
Share
Print

Amérika dölet ishliri ministiri jon kérri 7 - april küni istanbulda türkiye bash ministiri rejep tayip erdoghan qatarliqlar bilen körüshti. Amérika awazining xewer qilishiche, kérrining bu qétimqi türkiye sepirining meqsiti türkiye bilen isra'iliyining munasiwetlirini eslige keltürüsh hem süriye kirizisini hel qilish qedimini tézlitishtin ibaret iken.

Xewerde éytilishiche, kérri türkiye tashqi ishlar ministiri dawut oghlu bilenmu körüshüp pikir almashturghan. Kérri sözide yene amérika bilen türkiyining ortaq meqsiti süriyide tinchliq bilen hoquqni ötküzüp bérishni emelge ashurush ikenlikini körsetken.

U sözide isra'iliye bilen türkiyining ottura sherq mesilini hel qilishta oxshash muhim rol oynaydighanliqini tekitligen.

Hazir zor sandiki süriyilik türkiyide panahlanmaqta. Analizchilar kérrining türkiye sepirining amérikining türkiyining süriye kirizisini öz ichige alghan ottura sherq mesililirini hel qilishta aktip we muhim rol oynash roligha ehmiyet bergenlikini körsitidiken.

Toluq bet