Erdoghan b d t diki nutqida Uyghur mesilisini tilgha almighan

Muxbirimiz sada
2019-09-25
Élxet
Pikir
Share
Print

24-Séntebir küni b d t ning nyo-yorktiki bash shtabida échilghan 74-qétimliq omumiy yighinida türkiye we islam hemkarliq teshkilati süriye, pelestin, keshmir we rohingga mesilisi heqqide söz qilghan. Halbuki, Uyghur mesilisi ularning söz témisidin orun alalmighan.

Yighinda türkiye prézidénti rejep tayip erdoghan süriye xelqining nöwette uchrawatqan krizisini tilgha élip, amérikaning hemkarliqida türkiyening chégrasida bir "Bixeter rayon" qurushqa tirishiwatqanliqini, shu arqiliq süriye musapirlirini öz qoynigha alidighanliqini bayan qilghan.

Shu qatarda yene pelestinliklerning isra'iliyening basturushigha uchrawatqanliqini, ularning heq-hoquqlirining depsende boluwatqanliqini alahide otturigha qoyghan. 

Uningdin bashqa yene keshmir we rohingga mesilisimu türkiye we islam hemkarliq teshkilati teripidin alahide bayan qilip ötülgen. 

Uyghur diyarida izchil dawamliship kéliwatqan éghir kishilik hoquq depsendichilikliri gherb elliri teripidin "Tarixta körülüp baqmighan qirghinchiliq" déyilip kéliwatqanliqi melum. Xelq'ara jem'iyet islam döletlirini Uyghur mesilisi üstide xitayni qattiq eyiblesh heqqide chaqiriwatqan bolsimu, xitay iqtisadtiki ewzellikidin paydilinip, bularning éghizini péchetlep kéliwatqanliqi ilgiri sürülmekte. 

Uyghur mesilisining hazirgha qeder islam döletliri teripidin tilgha élinmasliqi heqqide söz qilghan analizchilar, xitayning qerz pul we iqtisadiy nep bérish arqiliq musulman döletlirining éghizini tuwaqlawatqanliqini tekitlimekte.

Toluq bet