Ш у а р ниң мувәққәт рәиси әркин тунияз илгири мақалә елан қилип, уйғурларни "җоңхуа миллити тонуши йоқ" дәп тәнқид қилған

Мухбиримиз әркин
2021-10-08
Share

Уйғур аптоном райониниң мувәққәт рәиси әркин туниязниң илгири уйғурларни "җоңхуа миллити тонуши йоқ" дәп тәнқид қилғанлиқи вә хитайниң пиланлиқ туғут сияситини иҗра қилишта актип рол ойниғанлиқи мәлум болди. Хоңкоңдики "юлтузлиқ арал йәр шари тори" ниң хәвәр қилишичә, әркин тунияз уйғур аптоном районниң муавин рәислик вәзиписини өтигән 2017-йили "шинҗаң гезити" дә "уйғур тарихини тоғра тонуйли" мавзулуқ мақалә елан қилип, бәзи уйғур кадирлирини, зиялийлирини вә авамни "җоңхуа миллити ортақ гәвдиси" гә болған тонуши "муҗимәл, хата" һәм "бир тәрәплимилик" дәп һуҗум қилған.

У, уйғурларниң ‍өзлирини "җоңхуа миллити әмәс", "түркий хәлқ" дәп қарайдиғанлиқи, бирақ уларниң һәргизму "түрки хәлқ әмәслики" ни илгири сүргән. Униң мақалиси хитай һөкүмити ‍уйғур кадирлирини, зиялийлирини, диний затлирини, миллий һәм диний кимлик туйғуси күчлүк авам хәлқни кәң көләмлик тутқун қилип, лагер вә түрмиләргә қамашқа башлиған бир вақитта елан қилинған.

"юлтузлиқ арал йәр шари тори" ниң хәвиридә йәнә әркин туниязниң муавин рәислик вәзиписини өтигән мәзгилидә уйғур аптоном районниң нупус-пиланлиқ туғут, әмгәк-‍иҗтимаий параванлиқ вә муһит хизмитини тутқанлиқи алаһидә тәкитләнгән.

Мәлум болушичә, әркин тунияз пиланлиқ туғут, әмгәк вә параванлиқ ишлириға мәсул болған 2017-йилдин 2019-йилғичә болған арлиқта хитай һөкүмити уйғур аяллирини мәҗбурий туғмас қилип, уйғурларниң туғулуш нисбитиниң 80 пирсәттәк азийип кетишини кәлтүрүп чиқарған, шундақла йүз миңлиған уйғурни "йөткәп ишқа орунлаштуруш" намида хитай карханилириға мәҗбурий орунлаштурған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт