Sh u a r ning muweqqet re'isi erkin tuniyaz ilgiri maqale élan qilip, Uyghurlarni "Jongxu'a milliti tonushi yoq" dep tenqid qilghan

Muxbirimiz erkin
2021-10-08
Share

Uyghur aptonom rayonining muweqqet re'isi erkin tuniyazning ilgiri Uyghurlarni "Jongxu'a milliti tonushi yoq" dep tenqid qilghanliqi we xitayning pilanliq tughut siyasitini ijra qilishta aktip rol oynighanliqi melum boldi. Xongkongdiki "Yultuzliq aral yer shari tori" ning xewer qilishiche, erkin tuniyaz Uyghur aptonom rayonning mu'awin re'islik wezipisini ötigen 2017-yili "Shinjang géziti" de "Uyghur tarixini toghra tonuyli" mawzuluq maqale élan qilip, bezi Uyghur kadirlirini, ziyaliylirini we awamni "Jongxu'a milliti ortaq gewdisi" ge bolghan tonushi "Mujimel, xata" hem "Bir tereplimilik" dep hujum qilghan.

U, Uyghurlarning ‍özlirini "Jongxu'a milliti emes", "Türkiy xelq" dep qaraydighanliqi, biraq ularning hergizmu "Türki xelq emesliki" ni ilgiri sürgen. Uning maqalisi xitay hökümiti ‍uyghur kadirlirini, ziyaliylirini, diniy zatlirini, milliy hem diniy kimlik tuyghusi küchlük awam xelqni keng kölemlik tutqun qilip, lagér we türmilerge qamashqa bashlighan bir waqitta élan qilin'ghan.

"Yultuzliq aral yer shari tori" ning xewiride yene erkin tuniyazning mu'awin re'islik wezipisini ötigen mezgilide Uyghur aptonom rayonning nupus-pilanliq tughut, emgek-‍ijtima'iy parawanliq we muhit xizmitini tutqanliqi alahide tekitlen'gen.

Melum bolushiche, erkin tuniyaz pilanliq tughut, emgek we parawanliq ishlirigha mes'ul bolghan 2017-yildin 2019-yilghiche bolghan arliqta xitay hökümiti Uyghur ayallirini mejburiy tughmas qilip, Uyghurlarning tughulush nisbitining 80 pirsettek aziyip kétishini keltürüp chiqarghan, shundaqla yüz minglighan Uyghurni "Yötkep ishqa orunlashturush" namida xitay karxanilirigha mejburiy orunlashturghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet