Erkinlik sariyi amérikaning xitaygha teyinlen'gen yéngi bash elchisige chaqiriq élan qildi

Muxbirimiz irade
2017-05-23
Élxet
Pikir
Share
Print

Xelq'araliq kishilik hoquq orgini bolghan erkinlik sariyi seyshenbe küni bayanat élan qilip, amérikaning xitaygha teyinlen'gen yéngi bash elchisini xitaydiki kishilik hoquq mesililirige ehmiyet bérishke chaqirdi.

22-May küni amérika dölet mejlisi ilgiri ayowa shtatining shtat bashliqi wezipisini atqurghan térriy brandstendni amérikaning xitayda turushluq bash elchisi qilip teyinleshni qararlashturghan. Bu munasiwet bilen erkinlik sariyi derhal bayanat élan qilip, uning amérikaning eng muhim we shundaqla eng riqabetke tolghan diplomatiyilik orun'gha teyinlen'genlikini tebriklesh bilen birge, öz mes'uliyetlirinimu eslitip ötti.

Erkinlik sariyi bashliqi maykil abramowitz bayanattiki sözide mundaq dégen: "Bash elchi brandstand xitaygha yolgha chiqishtin burun choqum amérikidiki xitay ijtima'iy teshkilatlar wekilliri, ziyankeshlikke uchrighuchilar we siyasiy mehbuslarning a'ile-tawabi'atliri qatarliq uning xitayning diktator tüzümining qarangghu yüzi bilen köprek tonushushigha yardem qilalaydighan kishiler bilen uchrishishi kérek. Bu uchrishish xitay hökümitigimu amérika-xitay munasiwetliride kishilik hoquq muhim orunda turidu, dégen signalni béridu".

Melum bolushiche, térriy brandstandning bash elchilik wezipisi dölet mejliside 13 ke qarshi 82 awaz bilen qararlashturulghan bolup, u qarar yighinida qilghan sözide, eger bash elchilikke teyinlen'gen teqdirde, özining xitay rehberliri we xelqi aldida amérikaning qimmet qarishining yaxshi bir wekili bolush üchün xizmet qilidighanliqini we buning hemme kishining kishilik hoquqtin behrimen bolush hoquqigha ige ikenlikinimu öz ichige alidighanliqini eskertken iken.

Toluq bet