Әркинлик сарийи 2017-йиллиқ интернет контроллуқи һәққидики доклатни елан қилди

Мухбиримиз әзиз
2017-11-14
Share

Мәлум болушичә, йеқиндин буян дунядики көплигән һөкүмәтләр тор дунясини контрол қилишқа барғансери зор күч сәрп қилип кәлмәктә.

Хитай вә русийә һөкүмәтлири буниңда һәрқачан әң типик мисаллар һесаблинидикән. Америкидики әркинлик сарийи дунядики һәрқайси дөләтләрниң бу һәқтики әһвалини тәпсилий баһалап чиқип, 2017-йиллиқ баһалаш доклатини елан қилди.

Мәзкур доклатта "дуняда интернет әркинликини әң зор дәриҗидә аяқ-асти қилғучи" дәп көрситилгән хитайниң интернет әркинликини боғушиға 87 номур қоюлған. Буниңдин башқа интернет тосқунлуқи, мәзмун чәклимиси, тор ишләткүчиләрниң һәқ вә һоқуқлириниң дәпсәндә болуши қатарлиқ җәһәтләрдиму хитайға интайин начар баһа берилгән.

Доклаттин мәлум болушичә хитай һөкүмити 2016-йили "тор бихәтәрлики қануни" ни тәстиқлиғандин буян тор мәшғулатида һәқиқий исим ишлитиш, үндидар қатарлиқ әпләрни тор сүзгүчлүкидин өткүзүш қатарлиқ чарилар оттуриға чиққан болса, 2017-йилидин башлап иҗра болған мәвһум хусусий тор (VPN) ни мәни қилиш чариси тор ишләткүчиләрниң хитай чәклигән иҗтимаий таратқуларға йеқинлишиш мумкинчиликини йоққа чиқарған.

Әркинлик сарийиниң доклатида хитайда пуқраларниң "сәзгүр" характердики тор язмилирини вә мәзмунларни сақлаш яки тарқитишиниң шу кишини қамақ җазалириға муптила қиливатқанлиқи алаһидә тәкитләнгән. Бу хил әһваллар уйғурлар дияри вә тибәт районида әң еғир болуп, бу икки район әмәлийәттә хитайдики "кәң бәлвағлиқ тор"ниң сүрити әң аста болған районлар һесаблинидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт