Ерландийәдиму уйғурлардики мәҗбурий әмгәкни чәкләш чақириқи оттуриға чиқти

Мухбиримиз әзиз
2021-03-09
Share

Уйғур дияридики бастуруш вә тәқибниң бивастә һалда ғайәт зор көләмдики мәҗбурий әмгәккә сәвәб болуватқанлиқи ташқи дуняға көпләп мәлум болғандин кейин һәрқайси чоң ширкәтләр вә хәлқаралиқ даңлиқ марка саһиблири өзлириниң бу қәбиһ қилмишқа қарши туридиғанлиқини билдүргән иди. Йеқинда уйғур мәсилисидә анчә көп ипадә билдүрүп бақмиған явропа дөләтлиридин ерландийәдиму уйғур дияридики мәҗбурий әмгәккә четишлиқ тәминат зәнҗирини қәти мәни қилиш чуқанлири оттуриға чиқти.

Әнглйәдә чиқидиған "вақит" гезитиниң 9-марттики хәвиридә ейтилишичә, ерландийә парламентиниң әзалиридин касерин каннолий ханим ерландийә малийә миниситрликигә мәктуп йоллап мәзкур министирлик қармиқидики "ерландийә истратегийилик мәбләғ фонди" ниң уйғурлар дияридики мәҗбурий әмгәк билән яки башқа һалқилар билән қайси дәриҗидә мунасивәтлик икәнликини сүрүштә қилған. Ерландийә малийә министири паскал донохе бу соалға язма җавап қайтуруп, мәзкур мәбләғ фондиниң уйғур дияридики бир қисим завутлар билән һәмкарлиқ алақиси барлиқини, әмма бу һәмкарлиқниң мәҗбурий әмгәк билән четишлиқ яки әмәслики һазирчә намәлум икәнликини, өзлириниң бу мәсилини җиддий тәкшүрүшкә буйруғанлиқини билдүргән.

Мәлум болушичә, "ерландийә истратегийилик мәбләғ фонди" ерландийәдики әң чоң сода ширкити болуп, ерландийәниң чәтәлләрдики мәбләғ селиш түрлири һәрқачан мушу ширкәт арқилиқ әмәлгә ашидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт