Өткән йерим йилда ешинча әмгәк күчини йөткәш бир милйон адәм қетимдин ешип кәткән

Мухбиримиз әзиз
2018-07-16
Share

Уйғурлар дияридики һөкүмәт органлириниң "уйғурларни бай қилиш" шоариниң бир муһим мәзмуни йиллардин буян "ешинча әмгәк күчи" дәп қаралған уйғур яшлирини һәрқайси җайларға йөткәп ишқа орунлаштуруш болуп кәлгән иди.

"шинҗаң гезити" ниң 13-июлдики хәвиридә 2018-йилиниң алдинқи йеримида хитай һөкүмитиниң йезилардики "ешинча әмгәк күчи" ни бир милйон 397 миң адәм қетим йөткәп ишқа орунлаштурғанлиқи, буниң билән йиллиқ вәзипиниң 52 пирсәнти орунлинип болғанлиқи ейтилиду.

Хәвәрдин мәлум болушичә, "шу җайда яки йеқин җайларда вә яки ичкири өлкиләрдә ишқа орунлаштуруш" шоари бойичә хитай даирилири асаслиқи қәшқәр, хотән қатарлиқ җайлардики йезилардин әмгәк күчлирини йөткигән. Бу хилдики әмгәк күчлирини йөткәш үч йиллиқ пилан бойичә иҗра қилиниватқан болуп, улар "ишқа орунлаштуруш" намида қошна наһийәләр вә ичкири өлкиләрдики завутларға ишчилиққа йөткәлгән. Ичкири өлкиләргә йөткәп орунлаштуруш нисбити ашурулған.

Өткән мәзгилдә бу хилдики "ешинча әмгәк күчи" йөткәшниң әмәлийәттә уйғур яшлиридин әрзан әмгәк күчи орнида пайдилиниш икәнлики һәққидә көпләп пикирләр оттуриға чүшкәнлики мәлум. Уйғур паалийәтчилиридин пәрһат юруңқаш бу һәқтә пикир қилип, "уйғурлар диярида шунчә көп ешинча әмгәк күчи мәвҗут болса у һалда ичкири хитайдин уйғурлар дияриға әмгәк күчи йөткәшниң немә һаҗити?" дәйду.

Анализчилар бу һәқтә хәлқара қанунлардин мисал кәлтүрүп, "йәрлик уйғурларни өз юрт-маканлиридин мәҗбурий айрип, башқа җайларға көчүрүш әмәлийәттә йәрлик милләтләр һәққидики хәлқаралиқ қанун-низамларғиму еғир дәриҗидә хилаплиқ қилғанлиқ" деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт