Chira nahiyiside 1000 din artuq yash xitay ölkilirige ishlemchilikke ewetilidu

Muxbirimiz irade
2016-03-23
Share

Xoten wilayitining chira nahiyisidin yene 1000 din artuq yash xitay ölkilirige ishlemchilikke ewetilidiken. Xoten wilayetlik hökümetning tor bétide bérilgen xewerdin qarighanda, nahiyidiki 1400 neperdin artuq yash yéqinda xitay ölkiliridiki bir qisim zawut-karxanilar bilen toxtam tüzgen bolup, ular ayrim-ayrim halda shendung we jéjyang ölkilirige ewetilidiken.

Xewerde, chira nahiyisining "Tebi'iy shara'iti nachar bolghanliqtin ishsizliq we namratliqning éghirliqi" tilgha élin'ghan we shundaqla" Xitay ölkilirige bérip ishlesh déhqanlarning namratliqtin qutulup béyishidiki muhim ötkel" dep körsitilgen.

Biraq, chet'ellerdiki Uyghur közetküchilerning qarishiche, xitay hökümiti teripidin pilanliq köchürülüwatqan xitay köchmenler Uyghur élida ishqa orunlishiwatqan bir shara'it astida, Uyghur yashlirining istiqbalini xitay ölkiliride izdeshke mejburlinishini, xitay hökümitining Uyghurlarni tarqaqlashturup assimilyatsiye qilish siyasitining bir parchisi iken.

Derweqe, xitay memliketlik siyasiy kéngesh milletler we din ishliri komitétining mudiri ju wéychün béyjingdiki ikki yighin dawamida qilghan sözide "Xitayda milletlerning qoshulushini ishqa ashurushning zörür" lükini tekitligen we "Milletlerning qoshulushini chongqurlashturushta choqum az sanliq millet rayonliridiki bir qisim kishilerni sirtlargha bérishqa ilhamlandurush, emgek küchini yötkeshni ishqa ashurush arqiliq milletlerning qoshulushini kücheytish kérek" dégen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet