Хитай уйғур елигә 100 миң кишилик қошун киргүзүши мумкин икән

Мухбиримиз җүмә
2014-10-22
Елхәт
Пикир
Share
Принт

Хитай һөкүмитиниң қаршилиқ һәрикәтлирини бастуруш үчүн йеқин кәлгүсидә уйғур елигә йәнә 100 миң кишилик қошун киргүзүшни ойлишиватқанлиқи илгири сүрүлмәктә.

Бу һәқтики учурларни әң дәсләптә хоңкоңдики «кишилик һоқуқ вә демократийә учур мәркизи» ашкарилиди.

Учур мәркизи21 -өктәбир тарқатқан хәвәрләргә қариғанда, уйғур районида арқа-арқидин партлаватқан қаршилиқ һәрикәтлиригә тақабил турушта хитай сақчилири сан җәһәттин аз кәп қалған.

Пәқәт бир ай ичидила бүгүр вә маралбеши қатарлиқ наһийиләрдә йүз бәргән қаршилиқ һәрикәтлиридә аз дегәндиму 70 дин артуқ адәм өлгән, нәччә йүз адәм яриланған иди.

Учур мәркизиниң мулаһизисигә қариғанда, уйғур райони вәзийити бу нөвәт бейҗиңда чақириливатқан хитай компартийәси мәркизи комитетиниң 4-омумий йиғинида асаслиқ музакирә темиси болидикән.

Уларниң көрситишичә, хитай даирилири нөвәттики йиғинда уйғур елигә йәнә зор миқдарда қошун йөткәш яки йөткимәслик мәсилисини музакирә қилидикән.

Һалбуки, хитайниң һөкүмәт ахбаратлирида юқириқи темида һечнәрсә дейилмиди.

Пикирләр (0)
Share
Толуқ бәт