Xitay Uyghur élige 100 ming kishilik qoshun kirgüzüshi mumkin iken

Muxbirimiz jüme
2014-10-22
Share

Xitay hökümitining qarshiliq heriketlirini basturush üchün yéqin kelgüside Uyghur élige yene 100 ming kishilik qoshun kirgüzüshni oylishiwatqanliqi ilgiri sürülmekte.

Bu heqtiki uchurlarni eng deslepte xongkongdiki “Kishilik hoquq we démokratiye uchur merkizi” ashkarilidi.

Uchur merkizi21 -öktebir tarqatqan xewerlerge qarighanda, Uyghur rayonida arqa-arqidin partlawatqan qarshiliq heriketlirige taqabil turushta xitay saqchiliri san jehettin az kep qalghan.

Peqet bir ay ichidila bügür we maralbéshi qatarliq nahiyilerde yüz bergen qarshiliq heriketliride az dégendimu 70 din artuq adem ölgen, nechche yüz adem yarilan'ghan idi.

Uchur merkizining mulahizisige qarighanda, Uyghur rayoni weziyiti bu nöwet béyjingda chaqiriliwatqan xitay kompartiyesi merkizi komitétining 4-omumiy yighinida asasliq muzakire témisi bolidiken.

Ularning körsitishiche, xitay da'iriliri nöwettiki yighinda Uyghur élige yene zor miqdarda qoshun yötkesh yaki yötkimeslik mesilisini muzakire qilidiken.

Halbuki, xitayning hökümet axbaratlirida yuqiriqi témida héchnerse déyilmidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet