Хитай шеняңда үч уйғур өлтүрүлгәнлики һәққидики хәвирини йиғивалған

Мухбиримиз җүмә
2015-07-15
Share

Хәвәрләргә қариғанда, шеняңда үч нәпәр уйғур етип өлтүрүлүп, узун өтмәй хитайниң нопузлуқ ахбаратлири бу һәқтики әсли хәвәрлирини тор бәтлиридин еливетишкә, бесилған гезитләрни йиғивелишқа башлиған.

"вал-стрет журнили гезити" ниң 14-июлдики мулаһизисигә қариғанда, хитай һөкүмити игидарчилиқидики бир чоң гезит вә башқа үч чоң сода гезити дүшәнбә күни кәчтә сақчилар шеняңда "үч нәпәр шинҗаңлиқ террорчини етип ташлиди, бир нәпирини яриландурди" дәп хәвәр басқан.

Һалбуки, бу һәқтики хәвәрләр сәйшәнбә күни чүшкичә нопузлуқ хитай тор бәтлири, микро блоглардин еливетилгән, бу хәвәр бесилған гезит нусхилириму көздин йиткән.

Бу һәқтики хәвәрләр пәқәт һөкүмәт игидарчилиқидики мәтбуатлардила қалдурулған болсиму, хәвәрдики "шинҗаң" аталғуси чиқирип ташланған.

Хитай ахбаратлири дүшәнбә күни лявниң өлкисиниң шеняң шәһиридә аталмиш "уч нәпәр шинҗаңлиқ террорчи етип ташланғанлиқи, бир нәпири яриландурулуп, қолға чүшүрүлгән" ликини хәвәр қилған. Әмма вәқәниң тәпсилатини ашкарилимиған иди.

Даириләрниң уйғурлар өлтүрүлгән хәвәрни немә үчүн тушмутуштин чиқирип ташлиғанлиқи һазирчә намәлум.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт