Shangxeyde jewlan qilghan etles körikide “Uyghur” nami tilgha élinmidi

Muxbirimiz eziz
2017.10.17
Share on WhatsApp
Share on WhatsApp

16-Öktebirde shangxeyde échilghan “2018-Yilliq bahar we yazliq libaslar köriki” de Uyghurlar diyaridin keltürülgen etles yipekliride tikilgen bir yürüsh moda kiyimler sehnige élip chiqilghan hemde körektiki libaslarning asasiy qismini teshkil qilghan.

Melum bolushiche, bu qétim shangxeyde körekke qatnashturulghan bu libaslar “Tengritaghdin halqighan etles” pa'aliyitining bir qismi süpitide teyyarlan'ghan iken.

“Tengritagh tori” ning bügünki xewiride bu qétimqi körekke élip kélin'gen etles kiyimlirini xitay shirketlirining layiheligenlikini, etles yipeklirining “Yipek yolidiki az sanliq milletlerde saqlan'ghan bayliq” ikenliki, uning tengritaghdin halqip téximu köp kishilerge tonulushi lazimliqi tekitlen'gen. Emma etlesning Uyghur medeniyet tarixidiki orni heqqide héchnerse déyilmigen. Bu hal kishilerge buningdin 20 yillar ilgiri Uyghur ayallirining en'eniwi girim buyumliridin osmining xitay shirketlirining mehsulati bolup qélishtek paji'esini esletken.

Tarixshunaslar we arxé'ologlarning tetqiqatlirigha qarighanda Uyghurlarning uzaq esirlik en'eniwi qol-hüner sen'etlirining biri, dep qarilip kelgen etles toqush téxnikisi yiraq zamanlar ilgirila tarim wadisida ottura asiyaning eng deslepki yipek toqumichiliq merkezlirini wujudqa keltürgen idi. Melum bolushiche, etles yipekliri xitayning “Dölet derijilik gheyriy maddiy medeniyet mirasliri” qatarigha kirgüzülgen iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet