Kork uniwérsitéti "Exlaqiy kemtüklük" te eyiblendi

Muxbirimiz eziz
2020-10-28
Élxet
Pikir
Share
Print

Yéqinda béyjingdiki milletler uniwérsitéti bilen bolghan munasiwitini téximu qoyuqlashturmaqchi bolghan kork uniwérsitéti herqaysi sahelerning "Bu exlaq kemtüklüki qilmishi" dep eyiblishige duch keldi.

"Irélandiye waqti" gézitining 28-öktebirdiki xewiride éytilishiche, érlandiyediki eng chong aliy mekteplerdin bolghan kork uniwérsitéti "Ilmiy alaqe" namida milletler uniwérsitéti bilen téximu keng kölemlik hemkarliq munasiwiti ornitishni oylashmaqta iken. Mezkur uniwérsitétning bu qarari jem'iyetke melum bolghandin kéyin milletler uniwérsitétining xitaydiki kompartiye emeldarlirini terbiyeleydighan muhim orun ikenliki, bu jayda yene xitay hökümiti köplep lagér berpa qiliwatqan Uyghur diyaridin kelgen oqughuchilarningmu oquydighanliqi, shular qatarida Uyghur ziyaliysi ilham toxti we uning alte oqughuchisining qamaqta ikenliki qaytidin otturigha chiqip, zor ghulghuligha seweb bolghan.

Wilson merkizining xadimi aléksandir dukalsikiy bu heqte söz qilip: "Shinjangda lagér qurup kishilerni 'qayta terbiye' ge zorlawatqan bir hökümet bashqurishidiki milletler uniwérsitéti bilen bolghan alaqisini chongqurlashturush sépi özidin exlaqiy mesilidur," dégen.

Melum bolushiche, 2020-yilining béshida milletler uniwérsitéti kork uniwérsitétigha on ming dane maska ewetish arqiliq özlirining "Insanperwerlik yardimi" ni körsetken iken.

Toluq bet