Мета шеркити хитайниң сахта учур тарқитиш һәрикитигә четишлиқ 500 дин ошуқ сахта фейисбук һесабини тақиған

Мухбиримиз ирадә
2021-12-02
Share

Facebook Вә Instagram ториниң ана ширкити болған Meta йеқинда хитайдики сахта учур ториға четишлиқ 500 дин артуқ тор һесабини өчүрвәткән.

BBC Ториниң хәвәр қилишичә, юқириқи бу 500 дин ошуқ сахта фейсбук һесаби “вилсон едвардс” исимлик аталмиш шивитсарийәлик “биологийә алими” ниң “америка корона вирусиниң келип чиқиш мәнбәсини тепиш хизмәтлиригә путлакашаң боливатиду” дегән гепини тор бәтләрдә кәң яйған.

Һәтта бу аталмиш “шивитсарийәлик алим” ниң бу сөзини хитайниң “йәр шари теливизийә тори” ( CGTN), “шаңхәй гезити” вә “йәр шари вақит гезити” қатарлиқ дөләт ахбарат вастилириму нәқил қилип ишләткән.

Һалбуки, шивитсарийә әлчиханиси “вилсон едвардс” исимлик бундақ бир кишиниң мәвҗут әмәсликини, униң биологийә тәтқиқатиға даир һечқандақ бир мақалисиниң йоқлиқини билдүргән вә хитай ахбаратлиридин хәвәрлирини өчүрүветишни тәләп қилған.

Мәлум болушичә, өзиниң “шивитсарийәлик биологийә алими” икәнликини илгири сүргән бу киши бу йил 7-айда фейсбук вә тивиттерда һесаб ачқан вә “америка корона вирусиниң келип чиқишини хитайға дөңгәп қоюш үчүн уни тәкшүрүватқан дуня сәһийә тәшкилатиниң тәтқиқатчилириға бесим ишләтти” дегән. Андин униң бу сөзлири 500 дәк сахта тор қолланғучилири тәрипидин кәң тарқитилған.

Шивитсарийә әлчиханисиниң ейтишичә, бундақ киши мәвҗут болмайла қалмастин, бәлки йәнә униң иҗтимаий тор бәтләрдики һесабиму у юқириқи сөзләрни қилиштин пәқәт бир-икки һәптә авалла ечилған болуп, униң пәқәт 3 әгәшкүчиси бар икән.

Мета ширкити бу сахта “алим” вә униң сөзини тарқатқан сахта һесабатларниң хитайниң сичүән өлкисидики бир техника ширкитигә четилидиғанлиқини, уларниң америка вә әнгилийәдики, шундақла хоңкоң вә тәйвәндики тор қолланғучилирини алдашни мәқсәт қилғанлиқини билдүргән.

Фейсбук ширкити сахта “шивитсарийәлик биолог” ни мәркәз қилған учурларни тәкшүрүп чиққандин кейин, җәмий җәмий 524 Facebook һесабати, 20 сәһипини, төт гуруппа вә 86 Instagram һесабатини өчүргәнликини елан қилған.

Мета шеркити илгири фейсбукта уйғурлар үстидин җасуслуқ паалийити билән шуғулланған бир қисим сахта һесабатларниму өчүргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт