Méta shérkiti xitayning saxta uchur tarqitish herikitige chétishliq 500 din oshuq saxta féyisbuk hésabini taqighan

Muxbirimiz irade
2021-12-02
Share

Facebook We Instagram torining ana shirkiti bolghan Meta yéqinda xitaydiki saxta uchur torigha chétishliq 500 din artuq tor hésabini öchürwetken.

BBC Torining xewer qilishiche, yuqiriqi bu 500 din oshuq saxta féysbuk hésabi “Wilson édwards” isimlik atalmish shiwitsariyelik “Bi'ologiye alimi” ning “Amérika korona wirusining kélip chiqish menbesini tépish xizmetlirige putlakashang boliwatidu” dégen gépini tor betlerde keng yayghan.

Hetta bu atalmish “Shiwitsariyelik alim” ning bu sözini xitayning “Yer shari téliwiziye tori” ( CGTN), “Shangxey géziti” we “Yer shari waqit géziti” qatarliq dölet axbarat wastilirimu neqil qilip ishletken.

Halbuki, shiwitsariye elchixanisi “Wilson édwards” isimlik bundaq bir kishining mewjut emeslikini, uning bi'ologiye tetqiqatigha da'ir héchqandaq bir maqalisining yoqliqini bildürgen we xitay axbaratliridin xewerlirini öchürüwétishni telep qilghan.

Melum bolushiche, özining “Shiwitsariyelik bi'ologiye alimi” ikenlikini ilgiri sürgen bu kishi bu yil 7-ayda féysbuk we tiwittérda hésab achqan we “Amérika korona wirusining kélip chiqishini xitaygha dönggep qoyush üchün uni tekshürüwatqan dunya sehiye teshkilatining tetqiqatchilirigha bésim ishletti” dégen. Andin uning bu sözliri 500 dek saxta tor qollan'ghuchiliri teripidin keng tarqitilghan.

Shiwitsariye elchixanisining éytishiche, bundaq kishi mewjut bolmayla qalmastin, belki yene uning ijtima'iy tor betlerdiki hésabimu u yuqiriqi sözlerni qilishtin peqet bir-ikki hepte awalla échilghan bolup, uning peqet 3 egeshküchisi bar iken.

Méta shirkiti bu saxta “Alim” we uning sözini tarqatqan saxta hésabatlarning xitayning sichüen ölkisidiki bir téxnika shirkitige chétilidighanliqini, ularning amérika we en'giliyediki, shundaqla xongkong we teywendiki tor qollan'ghuchilirini aldashni meqset qilghanliqini bildürgen.

Féysbuk shirkiti saxta “Shiwitsariyelik bi'olog” ni merkez qilghan uchurlarni tekshürüp chiqqandin kéyin, jem'iy jem'iy 524 Facebook hésabati, 20 sehipini, töt guruppa we 86 Instagram hésabatini öchürgenlikini élan qilghan.

Méta shérkiti ilgiri féysbukta Uyghurlar üstidin jasusluq pa'aliyiti bilen shughullan'ghan bir qisim saxta hésabatlarnimu öchürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet