Шади һамид: «америкалиқлар фашизимниң немиликини унтуп қеливатиду!»

Мухбиримиз әзиз
2020-10-26
Елхәт
Пикир
Share
Принт

Хитай һөкүмитиниң уйғурларни бастуруши бир қисим мутәхәссисләрниң қәлимидә фашизимниң тәкрарлинишиға охшитиливатқанда, америка җамаәтчиликиниң фашизим чүшәнчисидики мәсилиләр йәнә бир қетим кишиләр диққитигә сунулди. «Атлантик» торида 25-өктәбирдә елан қилинған бу һәқтики обзорда «брокиң ақиллар мәркизи» ниң хадими шади һамид бу мәсилини тәпсилий муһакимә қилди.

Апторниң көрситишичә, бу йил июн айлирида америка кеңәш палатасиниң әзаси том каттон һәрқайси шитатларда малиманчилиққа айлинип кетиватқан «қара тәнликләрниң җениму җан» һәрикитини контрол қилиш үчүн америка һәрбий қисимлирини ишқа селиш лазимлиқи һәққидики баш мақалисини елан қилғандин кейин, америкадики бир қисим кишиләр тушмутуштин уни «фашист» дәп әйиблигән.

Аптор бу мәсилә һәққидә тохтилип: «һазир һөкүмәтниң һәрбий қошун арқилиқ өктичиләрни рәткә селиши һәрқачан бир қисим кишиләрниң нәзиридә ‹фашизим' дейиливатиду,» дәйду. Шуниңдәк «әгәр сиз том каттонни мушуниңға қарапла фашист, дәп қарисиңиз у һалда сизни фашистниң немиликини билмәйдикән, десәк болиду» дәйду.

Аптор бир қисим америка җамаитиниң америка һөкүмити җиддий әһвалда ишқа салған мушу хилдики тәдбирләр түпәйлидин доналд трамп һөкүмитини фашизимлиқ билән шуғулланди, дәп қараватқанлиқини кәскин тәнқид қилиду. Шуниңдәк немә үчүн бу кишиләрниң хоңкоңдики тинчлиқ намайишини бастурған хитай сақчилирини «фашист» демәйдиғанлиқиға соал қойиду. У йәнә һазир уйғур дияридики көпләп мәлум болуватқан лагерлар вә милйонлиған кишиләрниң бу лагерларға қамилиши, шуниңдәк бу лагерлардики җисманий қийнақ, өлүм һадисилири вә башқа фашизимлиқ характердики бастурушларниң һәқиқий мәнидики фашситлиқ болидиғанлиқини көрситиду.

Пикирләр (0)
Share
Толуқ бәт