Fédéral tekshürüsh idarisi(FBI) xadimi amérikini xitaydin kéliwatqan yoshurun xewpke diqqet qilishqa chaqirghan

Muxbirimiz sada
2018-12-13
Élxet
Pikir
Share
Print

Yéqinda amérika fédéral tekshürüsh idarisi(FBI) ning yardemchi diréktori bil pristep amérika hökümitining xitaydin kéliwatqan yoshurun tehditlerge sel qarawatqanliqidin qattiq heyran qalghanliqini bildürüp, buninggha qarita choqum bir heriket qollinish lazimliqi heqqide chaqiriq qilghan.

Amérika radi'o shirkitining 12-dékabirdiki xewiridin qarighanda, ötken alte ay mabeynide amérikidiki axbarat wasitiliride nechche yüzligen maqale élan qilinip, xitaydin kéliwatqan tor jasusluqi tehditini eks ettürgen.

Bil pristep amérika sénatorliri uyushturghan teptish komitétining guwahliq bérish yighinida söz qilip, "Bu xil tor jasusluqi tehditi bügünki künde biz uchrawatqan eng éghir tehdit. Bu mesile keltürüp chiqiridighan aqiwet peqetla amérikining kelgüsi bolmastin, belki pütün dunyaning kelgüsi bolup qalidu," dégen.

Bil pristep we amérikining bashqa ikki neper aliy derijilik xadimi xitayning qanunluq we qanunsiz yollar arqiliq amérikining yéngiliqlirini qolgha keltürüshtek qorqunchluq urunushini tepsiliy bayan qilip chiqqan.

Maqalide bil pristepning guwahliqigha qoshup, amérika edliye idarisi dölet bixeterliki bölümining bashliqi jon damérining bu mesile heqqidiki köz-qarishimu otturigha qoyulghan bolup, u xitayning amérikidin soda yaki herbiy mexpiyetliklerni oghrilashqa urunushini nuqtiliq tilgha élip ötken.

Toluq bet