Хитай, филиппинниң японийидин 5 данә чарлиғучи айропилан киралимақчи болғанлиқиға наразилиқ билдүрди


2016-03-10
Share

Филиппин һөкүмити җәнубий деңиздики чарлашни күчәйтиш үчүн японийидин 5 данә чарлиғучи айропилан киралайдиғанлиқини җакарлиғандин кейин хитай буниңға қаттиқ наразилиқ билдүрди.

Фирансийә агентлиқиниң хәвәр қилишичә, пәйшәнбә күни хитай ташқи ишлар министирлиқи баянатчиси хоң лей сөз қилип, японийини җәнубий хитай деңизи мәсилисигә арилишиш билән әйиблигән. У сөзидә “биз японийини өзиниң иши билән болуп, районниң тенчлиқи вә муқимлиқиға зиян беридиған һәрикәтләрдин узақ турушқа чақиримиз” дегән.

Филиппин президенти бенигно акуино чаршәнбә күни қилған сөзидә, филппинниң японийидин “т с - 90 типлиқ” айропилан киралаш арқилиқ, райондики деңиз чарлаш хизмәтлирини күчәйтишни пилан қиливатқанлиқини билдүргән. Мәлум болушичә, филиппин һөкүмити йеиқиндин буян һәрбий әслиһәлирини йеңилаш хизмитини күчәйтиватқан болуп, буму хитайниң җәнубий хитай деңизиға көпләп һәрбий әслиһәләрни йөткәп сәплиши билән мунасивәтлик икән.

Сәйшәнбә күни хитай ташқи ишлар министири ваң йи йиллиқ ахбарат елан қилиш йиғинида қилған сөзидә, хитайниң җәнубий хитай деңизидики игилик һоқуқини илгири сүрүш билән биргә райондики башқа дөләтләрни муштумзорлуқ қилиш билән әйиблигән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт