Хитай ташқи ишлар министирлиқи филиппиндики дипломатлириниң өлтүрүлүш вәқәсиниң хусусий зиддийәттин келип чиққанлиқини билдүрди

Мухбиримиз ирадә
2015-10-22
Share

Бүгүн, филиппин ташқи ишлар баянатчиси чарлис хусий хитай дипломатлириниң өлтүрүлүш вәқәсигә мунасивәтлик икки җинайәт гумандариниң хитайға өткүзүп берилидиғанлиқини билдүрди. Униң ейтишичә, хитай ташқи ишлар министирлиқи бу икки җинайәт гумандарини елип кетиш үчүн мәхсус адәм әвәткән болуп, улар йетип келиши билән мунасивәтлик рәсмийәтләр беҗирилип, гумандарлар өткүзүп берилидикән.

Чаршәнбә күни, хитайниң филиппинниң сибу шәһиридә турушлуқ хитай консулханисиниң муавин баш консули сүншән, малийә әмәлдари ли хуй өлтүрүлүп, баш консул суң руңхуа яриланған иди. Сибудики бир даңлиқ ресторанниң айримханисида өткүзүлгән туғулған күн олтурушида йүз бәргән бу қанлиқ вәқәдә йәнә шу консулханида ишләйдиған әр-аял консулханә хадимлири җинайәт гумандарлири сүпитидә қолға елинған. Көргүчиләр улардин бириниң қалғанларни оққа тутқанлиқини ейтқан иди.

Һәр икки җинайәт гумандариниң дипломатик кәчүрүм қилиниш һоқуқи бар болғачқа улар филиппинда сорақ қилинмиған. Хитай ташқи ишлар министирлиқиниң баянатчиси хуа чүнйиң пәйшәнбә күнидики баянатида җинайәт гумандарлири билән өлгүчиләр арисида узундин буян пул сәвәблик талаш-тартиш барлиқини, вәқәниң тамамән хусусий зиддийәткә четишлиқлиқини тәкитлигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт