Филиппин хитайниң сүний арили әтрапида һәрбий қурулуш башлиди

Мухбиримиз әзиз
2017.11.07

Хитай һөкүмити өзиниң территорийәси икәнликини дәва қилип келиватқан җәнубий деңизда сүний аралларни бәрпа қилип чиққандин кейин бируней, малайшия, филиппин, вийетнам қатарлиқ дөләтләр буниңға изчил нарази болуп кәлгән иди.

Нөвәттә филиппин һөкүмитиниң истратегийәлик әһмийити бәкму зор болған бу районға қаратқан кәлгүси пиланлириниң бир қисми сүпитидә титу дегән җайдики хитайниң сүний арили әтрапида һәрбий әслиһә қурулушини башлиғанлиқи мәлум болди.

Ройтерс агентлиқиниң бүгүнки хәвиригә қариғанда филиппинниң дөләт мудапиә министири делфен лорензана бу һәқтә сөз қилип, “һазирқи бу қурулуш 2018-йилиниң бешида тамамлиниши мумкин” дегән.

Хәвәрләрдин мәлум болушичә, бу һәрбий әслиһә қурулушиға 25 милйон америка доллиридин көпрәк мәбләғ сәрп қилинмақчи икән.

Хәвәрдә қәйт қилинишичә, филиппин һөкүмитиниң рәһбири родриго дутерту изчил “хитай билән җәң қилғандин көрә униң билән содилашқан әвзәл” дәп қарап кәлгүчиләрниң бири икән. Мутәхәссисләрниң пикричә, хитай бәрпа қилип чиққан араллар һазирқи йәттигә йәткән болуп, хитайниң һәрбий айропиланлири пат йеқинда бу аралларға җайлашмақчи икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.