Filippin xelq'ara sotqa erz sunup ulardin zémin teweliki mesilisini ayrip qoyushni telep qilghan

Muxbirimiz jüme
2016-07-09
Share


Filippin öz nöwitide yene amérika bilen bolghan herbiy munasiwetlirini kücheytish bilen birge amérikigha 1991 - yilidin buyan taqalghan herbiy bazilarni qayta achqan idi.

Xelq'ara sotning qandaq höküm chiqiridighanliqi, hökümning jenubiy déngiz weziyitige qandaq tesir körsitidighanliqi hazirche melum emes. Emma sotta filippinning utup chiqidighanliqi perez qilin'ghan.

Xitay da'iriliri sot netijisini qobul qilmaydighanliqini bildürgen we xitay tashiqi ishlar ministiri wang yi ötken hepte sot hökümining peqet rayonda jiddiychilikini kücheytishtin bashqa nersige yarimaydighanliqini éytqan idi.

Bash shtabi ga'aga sheheridiki xelq'ara sot jenubiy déngizdiki zémin detalishi üstidin chiqiridighan sot netijisi yéqinlashqanséri xitay öz axbarati we diplomatlirini ishqa sélip jiddiy teshwiqat urushini bashlighan.

B b s ning xewer qilishiche, xitayning filippin achqan térritoriye dewasida utturushi perez qilin'ghan bolsimu, xitayning chet'ellerdiki elchiliri dunyani xitayning toghriliqigha ishendürüsh herikitini toxtatmighan.

Xewerge qarighanda, xitayning dölet igilikidiki axbarat wasitiliri in'gliz tilida mexsus höjjetlik filimlarni ishlep, jenubiy déngizingning tarixini chüshendürüshke ötken bolsa, tor betlirining pütün sehipiliri mezkur mesililer heqqidiki analizlargha béghishlan'ghan.

Uningdin bashqa xitayning chet'ellerdiki elchiliri ötken bir nechche aydin buyan gherb metbu'atlirini nishan qilip, jenubiy déngizning xitaygha tewe ikenlikini ipadilep imzaliq obzorlarni élan qilishqa bashlighan.

Bu xiliki maqaliler ilgiri kéyin bolup, asiya, yawropa, afriqa we shimaliy amérikidiki 21 dölette körülgen.

Xitay 2012 - yilidin bashlap filippinning luzon ariligha yéqin jaydiki aral skarboro taqim arili etrapida heriket qilishini bashlighan hemde filippin kémilirining mezkur ariligha yéqinlishishi cheklen'gen.

Filippin shundin étibaren xelq'ara sotqa erz sunup mesilini qanuniy yol bilen hel qilish yolini tutqan.

B b s ning xewer qilishiche, xitay diplomatliri maqaliliride jenubiy déngizdiki arallarning xitaychida “Nesha” dep atilidighanliqi, bu arallarning elmisaqtin xitaygha tewe ikenlikini tekitleshken. U lar yene filippin sun'ghan erzning peqet bir tereplime heriket ikenlikini, mesilini ikki terep ortaq qatnashqan asasta sülhi - sal yoli bilen hel qilish lazimliqini körsitishken.

Gézitte neqil ilishiche, bu xildiki diplomatik teshwiqatlarning kemdin kem uchraydighanliqini bildürgen londondiki kings instituti xitay ishliri proféssori keriy brown buningda xitay hökümitining bir tutash orunlashturushi barliqi, bundin kéyn bu xildiki maqalilerning yene köplep yézilishqa bashlaydighanliqini bildürgen.

Xitay charshenbe küni bashlan'ghan xelq'ara sotni bayqut qilghan we sot hökümini étirap qilmaydighanliqini bildürüsh bilen birige jenubiy déngizda herbiy manéwir bashlighan idi.

Sot hökümi 12 - iyul élan qilinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet