Хитай фирансийә мухбири урсулаға 31-декабирдин илгири хитайдин айрилишни уқтурған

Мухбиримиз меһрибан
2015-12-25
Share

Фирансийәдики "лобс" һәптилик журнилиниң бейҗиңда турушлуқ мухбири урсула готийир ханим 25-декабир күни фирансийә радиосиниң зияритини қобул қилип, хитай ташқи ишлар министирлиқиниң 25-декабир униңға телефон арқилиқ уқтуруш қилип, 2015-йил 31-декабирдин илгири хитайдин айрилишини уқтурғанлиқини билдүрди.

Урсула йәнә өзиниң илгири елан қилған мақалиси үчүн ашкара кәчүрүм сорашни рәт қилғанлиқи сәвәблик, хитай тәрәпниң униң визисини йеңилап беришни рәт қилғанлиқини билдүрди.

Урсула бу йил 1-айниң 18-күни елан қилған мақалисидә, хитай һөкүмәт даирилириниң 13-ноябир йүз бәргән "париж террорлуқ вәқәси" ни уйғур аптоном районидики қаршилиқ вәқәлиригә бағлиғанлиқини тәнқидлигәнлики вә"18-сентәбир бай вәқәси" ни "уйғурларниң һөкүмәткә болған наразилиқи сәвәбидин йүз бәргән қаршилиқ һәрикити" дәп язғанлиқи үчүн хитай һөкүмәт таратқуларда һуҗумға учриған.

Хәлқаралиқ мухбирларни қоғдаш комитети 24-декабир баянат елан қилип, хитай һөкүмитиниң мухбирларға қиливатқан бесиминиң күчийиватқанлиқини тәнқид қилип, хитайни дәрһал фирансийә мухбири урсула гутийирниң визисини йеңилап беришкә чақирған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт