Фирансийә хитайниң уйғурларға йүргүзүватқан зулумлириниң характерини бекитиш алдида икән

Мухбиримиз ирадә
2021-04-01
Share

Фирансийә һөкүмити хитай һөкүмитиниң уйғур елида "ирқий қирғинчилиқ" садир қилған яки қилмиғанлиқини бекитиш алдида икән.

Фирансийә ташқи ишлар министири жан йивес ледриан йеқинда "франсинфо радийоси" ниң зияритини қобул қилғанда фирансийәниң уйғурларға йүргүзүлүватқан зулумниң характерини бекитишкә тәйярлиқини билдүргән. У сөзидә "бу аталғу бир қануний аталғу. Шуңа алди билән бу һәқтә тәкшүрүш йүргүзүлүши керәк, биз бу аталғуни бекитиш музакирилиригә тәйяр" дегән.

Америка һөкүмитидин кейин, канада вә голландийә қатарлиқ дөләтләрниң парламентлири хитайниң уйғурларға йүргүзүватқан зулумини ирқий қирғинчилиқ, дәп бекиткән иди. Әгәр фирансийә буниңға қошулса, бу хитайниң уйғурларға қиливатқан зулумини ирқий қирғинчилиқ, дәп тонуған 4-дөләт болуп қалидикән.

Фирансийә ташқий ишлар министири жан йивес ледриан юқириқи радийоға қилған сөзидә йәнә б д т кишилик һоқуқ алий комиссари мишел бачелетни уйғур елида мустәқил тәкшүрүш йүргүзүш тәлипини йеңилашқа чақирған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт