Фирансийә һөкүмити уйғурлар мәсилисидә б д т ға йүзләнди

Мухбиримиз әзиз
2020-07-29
Share

Америка вә башқа явропа дөләтлири уйғурлар дуч келиватқан зор паҗиә һәққидә арқиму-арқидин өз мәйданлирини ипадиләватқанда фирансийә һөкүмитиму хитай һөкүмитиниң уйғурларға қаратқан түрлүк тәдбирлирини "кәчүргүсиз қилмиш" дәп әйиблиди.

"барон" гезитиниң 28-июлдики хәвиридә ейтилишичә, фирансийә-хитай мунасивитидә уйғурлар мәсилиси түпәйлидин бәзи йириклик көрүлүватқанда фирансийә ташқи ишлар министири жан йивли дғян бирләшкән дөләтләр тәшкилатиға хитай һөкүмитиниң уйғурларға қаратқан муамилисини йеңидин баһалап чиқиш тәклипини сунған. У бу һәқтә мухбирларға сөз қилип "хитай һөкүмити мениң (уйғурлар һәққидики) баянатимни ‹асассиз' дәп рәт қилди. Шуңа ‹ундақ болса б д т дики мешел бачелотниң башчилиқидики мустәқил тәкшүрүгүчиләр буни қайтидин қарап чиқсун, дедуқ" дегән.

Мәлум болушичә, ташқи ишлар министири жан йивли дғян өткән һәптидә фирансийә парламентида уйғурларниң лагерға қамилиши, мәҗбурий әмгәккә селиниши һәмдә мәҗбурий туғмас қиливетишниң қурбанлириға айлиниши қатарлиқлар һәққидә нутуқ сөзлигәникән.

Хитай һөкүмити арқиму-арқидин дуняниң әйиблишигә учраватқанда фирансийә һөкүмитиниңму һәққанийәтни һимайә қилишни таллиши зор алқишлашқа еришкәнлики мәлум.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт