Фирансийә һөкүмити уйғурлар мәсилисидә ипадә билдүрди

Мухбиримиз әзиз
2020-09-08
Share

Фирансийә һөкүмити йеқинда уйғурлар дияридики сиясий бастуруш һәққидә кәскин ипадә билдүрүп, бу мәсилидә мустәһкәм бир мәвқәдә туруш лазимлиқини тонуп йәтти.

Фирансийәдә чиқидиған "ла фигаро" гезитиниң 7-сентәбирдики хәвиридә ейтилишичә, фирансийә президенти емманюл макрон 6-сентәбир күни фирансийә парламентиға йоллиған мәктупида "хитай һөкүмитиниң уйғурларни бастуруш қилмишини һәргизму қобул қилишқа болмайду. Фирансийә һөкүмити бу қилмишни әң зор дәриҗидики кәскинлик билән тәнқидлиши лазим" дәп көрсәткән.

У мәктупида уйғурлар дияридики лагерлар, зор тутқун, мәҗбурий әмгәк, мәҗбурий туғмас қиливетиш, уйғурларниң мәнивийәт байлиқини вәйран қилиштәк бир қатар қилмишларни көрситип, буларниң хәлқарада ортақ етирап қилинған хәлқаралиқ әһдинамиләргә уйғун кәлмәйдиғанлиқини тәкитлигән.

Буниңдин бир ай илгири фирансийә ташқи ишлар министири жа ив ла диря хәлқараниң уйғурлар дияриға мустәқил тәкшүрүш гурупписи әвәтиш арқилиқ уйғурлар дияридики реаллиқни тәкшүрүп көрүши лазимлиқини тәкитлигән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт