Firansiye hökümiti Uyghurlar mesiliside ipade bildürdi

Muxbirimiz eziz
2020-09-08
Share

Firansiye hökümiti yéqinda Uyghurlar diyaridiki siyasiy basturush heqqide keskin ipade bildürüp, bu mesilide mustehkem bir mewqede turush lazimliqini tonup yetti.

Firansiyede chiqidighan "La figaro" gézitining 7-séntebirdiki xewiride éytilishiche, firansiye prézidénti émmanyul makron 6-séntebir küni firansiye parlaméntigha yollighan mektupida "Xitay hökümitining Uyghurlarni basturush qilmishini hergizmu qobul qilishqa bolmaydu. Firansiye hökümiti bu qilmishni eng zor derijidiki keskinlik bilen tenqidlishi lazim" dep körsetken.

U mektupida Uyghurlar diyaridiki lagérlar, zor tutqun, mejburiy emgek, mejburiy tughmas qiliwétish, Uyghurlarning meniwiyet bayliqini weyran qilishtek bir qatar qilmishlarni körsitip, bularning xelq'arada ortaq étirap qilin'ghan xelq'araliq ehdinamilerge uyghun kelmeydighanliqini tekitligen.

Buningdin bir ay ilgiri firansiye tashqi ishlar ministiri zha iw la dirya xelq'araning Uyghurlar diyarigha musteqil tekshürüsh guruppisi ewetish arqiliq Uyghurlar diyaridiki ré'alliqni tekshürüp körüshi lazimliqini tekitligen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet