Qeshqer - tajikistan chégrasidiki qarasu tamozhnisi ish bashlighan

Muxbirimiz jüme
2015-05-09
Élxet
Pikir
Share
Print


Xitay axbaratlirining xewer qilishiche, xitay da'iriliri Uyghur élide yene bir chégra éghizining resmiy ishqa kirishkenlikini élan qilghan.

"Shangxey géziti" ning 8 - maydiki xewirige qarighanda, "Qarasu tamozhnisi" dep atilidighan mezkur chégra éghizi qeshqer bilen tajikistan chégrasigha jaylashqan.

Xewerde körsitishiche, bu chégra éghizi qurulushi we teyyarliq xizmetlirige 10 yil ketken. Hawa rayi we yol bixeterliki mesilisi tüpeyli chégra éghzi peqet her yili apréldin noyabirghiche ishleydiken.

Melum bolushiche, bu chégra éghizi arqiliq qilin'ghan import - éksport miqdari xitay bilen tajikistan arisidiki soda nisbitining 78 pirsentini igileydiken.

Xitay yéqinda pakistanning gwadar portini qeshqer bilen tutashturush qurulushigha 46 milyard dollar meblegh salidighanliqini bildürgen.

Mezkur qurulushlarning yerlik Uyghurlargha qanchilik menpe'et élip kélidighanliqi namelum.

Igiliri bir qisim közetküchiler Uyghurlarning rayonda élip bériwatqan iqtisadiy tereqqiyatning sirtida qaldurulghanliqini ilgiri sürüshken idi.

Toluq bet