Франсийидә милйон кишилик намайиш йүз бәрди

Мухбиримиз үмидвар
2015.01.12
Share on WhatsApp
Share on WhatsApp


Йәкшәнбә күни франсийә пайтәхти парижда бир милйон кишилик иттипақлиқ марши намида намайиш өткүзүлгән болуп, буниңға 40 нәччә дөләтниң рәһбирий шәхслири қатнашти. Б б с ниң хәвәр қилишичә, намайиш икки йөнилиш бойичә өткүзүлгән болуп, бир йөнилишкә франсийә президенти фраса холланде өзи башламчилиқ қилған. Мәзкур топта әнглийә баш министири камерон, германийә баш министири меркел, исраилийә баш министири нетаняхо, түркийә баш министири ахмәт давут оғлу, пәләстин рәһбири махмуд аббас вә башқилар бар икән, америка президенти буни қоллиған. Әмма өзи келәлмигән.

Шәнбә күни парижда 700 миң кишилик намайиш өткүзүлгән иди. Франсийә тәрәп бу намайишларниң бихәтәрликини қоғдаш үчүн 5000 дин артуқ сақчи вә башқа хадимларни аҗратқан.

Бу хилдики зор санда адәм қатнашқан намайишлар франсийәниң башқа шәһәрлиридиму елип берилған.

Б б с ниң хәвиридә ейтилишичә, мәзкур намайиш паалийитиниң мәқсити өткән һәптидә йүз бәргән әсәбийлик һуҗуминиң 17нәпәр қурбани үчүн тәзийә билдүрүш икән.

Франсийә мусулманлири рәһбири муһәммәд моссаойи франсийә мусулманлирини бу намайишқа қатнишишқа чақирған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт