Fransiyide milyon kishilik namayish yüz berdi

Muxbirimiz ümidwar
2015-01-12
Share


Yekshenbe küni fransiye paytexti parizhda bir milyon kishilik ittipaqliq marshi namida namayish ötküzülgen bolup, buninggha 40 nechche döletning rehbiriy shexsliri qatnashti. B b s ning xewer qilishiche, namayish ikki yönilish boyiche ötküzülgen bolup, bir yönilishke fransiye prézidénti frasa xollandé özi bashlamchiliq qilghan. Mezkur topta en'gliye bash ministiri kaméron, gérmaniye bash ministiri mérkél, isra'iliye bash ministiri nétanyaxo, türkiye bash ministiri axmet dawut oghlu, pelestin rehbiri maxmud abbas we bashqilar bar iken, amérika prézidénti buni qollighan. Emma özi kélelmigen.

Shenbe küni parizhda 700 ming kishilik namayish ötküzülgen idi. Fransiye terep bu namayishlarning bixeterlikini qoghdash üchün 5000 din artuq saqchi we bashqa xadimlarni ajratqan.

Bu xildiki zor sanda adem qatnashqan namayishlar fransiyening bashqa sheherliridimu élip bérilghan.

B b s ning xewiride éytilishiche, mezkur namayish pa'aliyitining meqsiti ötken heptide yüz bergen esebiylik hujumining 17neper qurbani üchün teziye bildürüsh iken.

Fransiye musulmanliri rehbiri muhemmed mossa'oyi fransiye musulmanlirini bu namayishqa qatnishishqa chaqirghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet