Франсийәлик даңлиқ мухбир рафаел глаксмән франсийә президентиға уйғурларни қоғдап қелиш һәққидә мәктуп язған

Мухбиримиз җәвлан
2021-04-22
Share

Йеқинда франсийәлик даңлиқ мухбир вә сиясий паалийәтчи рафаел глаксман франсийә президенти макронға мәктуп йоллап, хитай һөкүмитиниң кәң көләмлик вә рәһимсиз һуҗумиға учрап, миллий мәвҗутлуқи, етиқади вә мәдәнийити йоқилиш хәвпигә дуч келиватқан уйғурларни қоғдап қелишқа чақирған. У тиветтерда һәмбәһирлигән бу мәктубида мундақ дегән:

"президент әпәнди, франсийә чоқум 21-әсирдики бу әң чоң тутқун қилиш җинайитини тохтитиши, хитай һөкүмити лагерға солап қийнаватқан милйонлиған уйғур мусулманлириға ярдәм қилиши керәк. 2019-Йил 12-декабир явропа парламентида мақулланған қарарға асасән, сиз хитайниң шинҗаң районидики лагерларни тақишини тәләп қилалайсиз".

У бу мәктубта президент макронға хитайниң бу җинайитини тохтитиш үчүн 4 түрлүк тәклип сунғандин кейин, мундақ дегән: "бир милләт йоқилиш хәвпигә учриғанда милләт сүпитидә әмәс, адәм сүпитидә яшап һаят қелиши мумкин, уйғурлар дәл мушундақ таллашқа дуч кәлди. Лагердики мәһбуслар һәр күни өзиниң тили, мәдәнийити вә етиқадидин ваз кечишкә мәҗбурланмақта. Қорқунч чәксиз нәрсидур. Хитай һөкүмити уйғурларни уларниң қәбрисидин тартип йәр билән йәксан қилмақчи, миллий тарихи вә еңини уларниң хатирисидин өчүрмәкчи. Уйғурлар ғайәт зор қара өңкүргә ташланди. Бу қара өңкүр хитайниң қанун, тәшвиқат вә сиясийдин тәшкил тапқан қара өңкүридур, дуняниң қара өңкүридур. явропадики демократик дөләтләр хели вақитқичә сүкүт қилип кәлди, мусулман дөләтләрғу һеченмә демиди. Бундақ сүкүт әҗәлликтур, уни бузушниң вақти кәлди. Франсийә чоқум уйғурларға ярдәм бериштә хәлқара сәпниң алдида туруши керәк".

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт