Фирансийә президенти еммануел макрон хитайда уйғурлар мәсилисини оттуриға қоюшқа чақирилди

Мухбиримиз ирадә
2019-11-01
Share

Хәлқара кишилик һоқуқни көзитиш тәшкилати фирансийә президенти еммануел макронни хитайға қилидиған рәсмий зиярити мәзгилидә уйғурларниң мәсилисини оттуриға қоюшқа чақирди.

Мәзкур органниң 1-ноябир күнидики баянатидин қариғанда, улар фирансийә президенти еммануел макронға мәктуб йоллап, уни ноябирниң 4-күнидин 6-күнигичә хитайда елип баридиған рәсмий зиярити мәзгилидә хитай дөләт рәиси ши җинпиңға уйғур елидики сиясий тәрбийә лагерлирини дрһал тақаш вә барлиқ тутқунларни азад қилиш һәққидә очуқ-ашкарә бесим ишлитишни тәләп қилған. 

Улар шундақла фирансийәниң хитай тәрәпкә хоңкоңдики демократийә тәләп қиливатқан намайишчиларниң тәләплиригә һөрмәт қилишни тәләп қилишқа чақирған. 

Кишилик һоқуқни көзитиш тәшкилатиниң дериктори кеннет һәрқайсий дөләтләрниң хитайниң кишилик һоқуқидики мәсилиләрни очуқ-ашкарә оттуриға қоюшиниң интайин муһимлиқини, пәрдә арқсида хитай тәрәпкә әндишилирини йәткүзүшниң һечқандақ пайдиси болмайдиғанлиқини әскәрткән вә “кишилик һоқуқни дәпсәндә қилишниң бәдили болидиғанлиқини очуқ-ашкарә тилға алмаслиқ ши җинпиңни зулумни давамлаштурушқа риғбәтләндүрүштин башқа ишқа яримайду,” дегән. 
Фирансийә 29-өктәбир күни бирләшкән дөләтләр тәшкилатидики ирқий айримичилиққа қарши туруш 3-комитетиниң йиғинида уйғурлар һәққидә бирләшмә баянат бәргән 23 дөләт қатаридин орун алған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт