Firansiye prézidénti émmanu'él makron xitayda Uyghurlar mesilisini otturigha qoyushqa chaqirildi

Muxbirimiz irade
2019-11-01
Élxet
Pikir
Share
Print

Xelq'ara kishilik hoquqni közitish teshkilati firansiye prézidénti émmanu'él makronni xitaygha qilidighan resmiy ziyariti mezgilide Uyghurlarning mesilisini otturigha qoyushqa chaqirdi.

Mezkur organning 1-noyabir künidiki bayanatidin qarighanda, ular firansiye prézidénti émmanu'él makron'gha mektub yollap, uni noyabirning 4-künidin 6-künigiche xitayda élip baridighan resmiy ziyariti mezgilide xitay dölet re'isi shi jinpinggha Uyghur élidiki siyasiy terbiye lagérlirini drhal taqash we barliq tutqunlarni azad qilish heqqide ochuq-ashkare bésim ishlitishni telep qilghan. 

Ular shundaqla firansiyening xitay terepke xongkongdiki démokratiye telep qiliwatqan namayishchilarning teleplirige hörmet qilishni telep qilishqa chaqirghan. 

Kishilik hoquqni közitish teshkilatining dériktori kénnét herqaysiy döletlerning xitayning kishilik hoquqidiki mesililerni ochuq-ashkare otturigha qoyushining intayin muhimliqini, perde arqsida xitay terepke endishilirini yetküzüshning héchqandaq paydisi bolmaydighanliqini eskertken we "Kishilik hoquqni depsende qilishning bedili bolidighanliqini ochuq-ashkare tilgha almasliq shi jinpingni zulumni dawamlashturushqa righbetlendürüshtin bashqa ishqa yarimaydu," dégen. 
Firansiye 29-öktebir küni birleshken döletler teshkilatidiki irqiy ayrimichiliqqa qarshi turush 3-komitétining yighinida Uyghurlar heqqide birleshme bayanat bergen 23 dölet qataridin orun alghan.

Toluq bet