Хитайниң ген учурлирини рәтләш вә биологийилик давалаш ширкити уйғур елидә ген банкиси қуридиғанлиқини җакарлиған

Мухбиримиз ирадә
2020-06-04
Share

Хитайда алдинқи қатарда туридиған ген учурлирини рәтләш вә биологийәлик давалаш ширкити BGI уйғур елидә ген банкиси қуридиғанлиқини җакарлиған. Мәзкур ширкәт йәнә чәтәлләрни таҗсиман вирус тәкшүрүш әсваби билән тәминләватқан ширкәт икән.

Американиң "акийос" намлиқ хәвәр тор бетидә елан қилинған тәкшүрүш мақалисидә көрситилишичә, BGI ширкити уйғур елидики аһалиләрниң ген учурлирини йиғиш-рәтләш ишлириға қатнашқан ширкәт болуп, у йеқинда уйғур елидәа ген банкиси вә "әдлийә һәмкарлиқи" мәркизи қуридиғанлиқини елан қилған. "акийос" хәвәр ториниң ейтишичә, буниң мәқсити аз санлиқ милләтләрни ген учури арқилиқ назарәт қилиш иқтидарини йетилдүрүш икән.

Америка җасуслуққа қарши туруш вә бихәтәрлик мәркизи (NCSC) ниң башлиқи вилям еванина "акийос" хәвәрлиригә қилған сөзидә хитай һөкүмитиниң түрлүк васитиләр арқилиқ дуняниң һәр қайси җайлиридики шәхсләрниң хусусий учурлири вә уларниң саламәтлик әһвалиға аит учурлирини қолға чүшүрүштин ибарәт тарихи барлиқини әскәртип: "биз хитай һөкүмитиниң буйруқиға бойсунидиған хитай ширкәтлириниң йәршаридики аһалиләр һәққидә қошумчә шәхсий учурларни топлиялайдиған һаләткә келишидин әндишә қилишимиз интайин орунлуқ," дегән.

Мәлум болушичә, хитай һөкүмитигә мунасивәтлик болған бундақ шеркәтләрниң хәлқарада таҗсиман вирус тәкшүрүши елип бериши уларни ғайәт зор DNA санлиқ мәлумати йиғивалидиған пурсәт билән тәминлиши мумкин икән. Шуңа бу америка һөкүмитидә әндишә пәйда қиливатқан мәсилә болуп, улар йәршари миқясидики бундақ вирус тәкшүрүш ишлириниң чоқум шәхси учур мәхпийәтликигә капаләтлик қилинған асаста елип берилиши керәклини тәкитлимәктикән. Болупму юқириқи ширкәтниң уйғур елидики ген учурлирини йиғиш вә назарәт қилиш вә хитай әдлийә органлири билән маслишип һәрикәт қилған болуши американиң күчлүк диққитини қозғиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт