Xitayning gén uchurlirini retlesh we bi'ologiyilik dawalash shirkiti Uyghur élide gén bankisi quridighanliqini jakarlighan

Muxbirimiz irade
2020-06-04
Élxet
Pikir
Share
Print

Xitayda aldinqi qatarda turidighan gén uchurlirini retlesh we bi'ologiyelik dawalash shirkiti BGI Uyghur élide gén bankisi quridighanliqini jakarlighan. Mezkur shirket yene chet'ellerni tajsiman wirus tekshürüsh eswabi bilen teminlewatqan shirket iken.

Amérikaning "Akiyos" namliq xewer tor bétide élan qilin'ghan tekshürüsh maqaliside körsitilishiche, BGI shirkiti Uyghur élidiki ahalilerning gén uchurlirini yighish-retlesh ishlirigha qatnashqan shirket bolup, u yéqinda Uyghur élide'a gén bankisi we "Edliye hemkarliqi" merkizi quridighanliqini élan qilghan. "Akiyos" xewer torining éytishiche, buning meqsiti az sanliq milletlerni gén uchuri arqiliq nazaret qilish iqtidarini yétildürüsh iken.

Amérika jasusluqqa qarshi turush we bixeterlik merkizi (NCSC) ning bashliqi wilyam éwanina "Akiyos" xewerlirige qilghan sözide xitay hökümitining türlük wasitiler arqiliq dunyaning her qaysi jayliridiki shexslerning xususiy uchurliri we ularning salametlik ehwaligha a'it uchurlirini qolgha chüshürüshtin ibaret tarixi barliqini eskertip: "Biz xitay hökümitining buyruqigha boysunidighan xitay shirketlirining yersharidiki ahaliler heqqide qoshumche shexsiy uchurlarni topliyalaydighan haletke kélishidin endishe qilishimiz intayin orunluq," dégen.

Melum bolushiche, xitay hökümitige munasiwetlik bolghan bundaq shérketlerning xelq'arada tajsiman wirus tekshürüshi élip bérishi ularni ghayet zor DNA sanliq melumati yighiwalidighan purset bilen teminlishi mumkin iken. Shunga bu amérika hökümitide endishe peyda qiliwatqan mesile bolup, ular yershari miqyasidiki bundaq wirus tekshürüsh ishlirining choqum shexsi uchur mexpiyetlikige kapaletlik qilin'ghan asasta élip bérilishi kéreklini tekitlimektiken. Bolupmu yuqiriqi shirketning Uyghur élidiki gén uchurlirini yighish we nazaret qilish we xitay edliye organliri bilen masliship heriket qilghan bolushi amérikaning küchlük diqqitini qozghighan.

Toluq bet