Gérmaniye bash ministirliq ishxanisi ilham toxti mesilsini dawamliq tekitleydighanliqini bildürdi

Muxbirimiz irade
2018-03-27
Élxet
Pikir
Share
Print

Gérmaniye bash ministirliq ishxanisi Uyghurlarning kishilik hoquq weziyitini yéqindin küzitiwatqanliqini bildürgen.Gérmaniyediki "Ilham toxtini qollash guruppisi" bashliqi enwerjan ependining radiyomizgha bildürüshiche, mezkur teshkilat mushu ayning 6-küni gérmaniye bash ministiri an'géla mérkélni öz ichige alghan bir qanche döletning bash ministirliqliri we tashqi ishlar ministirliqlirigha mektup yollap, ularni Uyghurlarning barghanséri éghirlishiwatqan weziyitige hem shundaqla türmidiki Uyghur ziyaliysi ilham toxtining ehwaligha köngül bölüshke chaqirghan.

22-Mart küni, gérmaniye bash ministirliq ishxanisi bu chaqiriq mektubigha jawap qayturup gérmaniye hökümitining Uyghurlarning éghirliship méngiwatqan kishilik hoquq weziyitini yéqindin küzitiwatqanliqini bildürgen. Gérmaniye bash ministirliq ishxanisining asiya, ottura we yéqin sherq we latin amérika döletlirige mes'ul bölümi bashliqi jen bittnérning imzasi bilen ewetilgen mektupta yene mundaq diyilgen : " Biz ilgirikige oxshashla proféssor ilham toxtining mesilisini xitay hökümiti bilen bolghan uchrishishlirimizda we xelq'aradiki bashqa uchrishishlirimizda tilgha élishni dawamlashturimiz. 14-Mart küni, jenwediki kishilik hoquq kéngishi yighini jeryanida hökümitimiz teripidin teyyarlan'ghan resmiy doklatta xitay hökümitidin ilham toxtini derhal qoyup bérishni we Uyghur xelqining kishilik hoquqigha hörmet qilishni telep qilghan iduq"

Ilham toxtini qollash guruppisi an'géla mérkél hökümitige yollighan mektubida Uyghur ziyaliysi ilham toxtining salametlik ehwalining endishe qozghaydighanliqi, ilham toxtining 2016- yilidin béri a'ilisi bilen körüshtürülmeywatqanliqidek ehwallar tilgha élin'ghan idi.

Toluq bet