Gérmaniye parlaménti Uyghur weziyiti toghruluq muhakime élip barghan

Muxbirimiz jewlan
2022-05-02
Share

Hindistanda chiqidighan “Metbu'at” (The Print) taratqusining xewer qilishiche, gérmaniye parlaménti 30-aprél küni Uyghur weziyiti toghruluq muhakime élip barghan. Bu yighin échilishning aldida ilham toxti institutining bashliqi enwerjan ependi axbarat élan qilish yighini ötküzgen.

Bu yighin'gha tetqiqatchi adriyan zéniz, amérika xelq'ara diniy erkinlik komitétining mu'awin re'isi nuri türkel, yazghuchi aléksandira kawélyus (Alexandra Caveilius), lagér shahidi sayragul sawutbay qatarliqlar qatniship, Uyghur weziyitining barghanséri yamanlishiwatqanliqini, türmilerdiki qiyin-qistaq, diniy cheklime, medeniyet yoqitishi, Uyghur ayallirini tughmas qilish qatarliq jinayetlerning éghirlishiwatqanliqini bayan qilghan.

Bu xewerde éytilishiche, gérmaniye parlaméntining Uyghur weziyiti heqqide muhakime élip bérishi gérmaniye hökümitining bu mesilige bolghan pozitsiyesini özgertip, xitay hökümitige zor bésim élip kélidiken.

Buninggha munasiwetlik xewer analizlirigha qarighanda, gérmaniye bilen xitayning uzundin béri dawamliship kelgen soda hemkarliqi tüpeylidin gérmaniye Uyghur mesilside nisbeten passip inkas bildürüp kelgen bolup, gérmaniyening wolkéswagén shirkitining ürümchide qurghan tarmaq zawuti Uyghur mejburiy emgikige chétishliq dep qarilip, eyiblinip kelgenidi. Gérmaniye natsist gérmaniyesi dewride irqiy qirghinchiliqni bashtin kechürgen bir dölet bolush süpiti bilen, bügün shu qismetke uchrighan Uyghurlar üchün köprek awaz chiqirishi, xitaygha bésim qilishi kérek iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet