Mérkél türkiye ziyaritide musapirlar mesiliside pikirleshti

Gérmaniye bash ministiri an'géla mérkél yekshenbe küni türkiyede bir künlük dölet ishliri ziyariti élip bardi

Türkiye awazi radi'osining xewer qilishiche, gérmaniye bash ministiri an'géla mérkél türkiyege qaratqan bir künlük dölet ishliri ziyariti da'iriside aldi bilen istambuldiki bosfor boghuzigha sélin'ghan sabiq osmanli sultanining sariyi - dolmabahchigha jaylashqan türkiye bash ministiri exmetdawut oghluning ishxanisida ehmed dawut'oghlu bilen körüshti.

Fransiye agéntliqining xewer qilishiche, ikki bash ministir ayrim uchrishishtin kéyin xizmet ziyapitige qatnashtqan we axirida dawut'oghlu bilen mérkél muxbirlarni kütüwélish yighini ötküzgen. Dawut oghlu bilen mérkél asasliqi yawropagha kéliwatqan süriye musapirliri mesilisi, yeni türkiyening bu musapirlarning yawropagha kirishini tosusi qatarliq témilarda sözleshken.

Muxbirlarni kütüwélish yighinida dawut oghlu türkiyining gérmaniye bilen qanunsiz köchmenlerni toxtitish mesiliside ortaq hemkarlishidighanliqini bildürgen.

Mérkél xanim bolsa özining bu qétimqi türkiye ziyaritining meqsitining yawropa ittipaqining suriye musapirliri mesilisige a'it pilanini ilgiri sürüsh xaraktérigha ige ikenlikini bildürgen, yeni yawropa ittipaqining musapirlar mesiliside türkiyege yardem meblighi ajritilidighanliqi we türkiyening bu arqiliq musapirlarning köplep, yawropagha kirishini tosushigha bolghan ümidini bildürgen.