Германийә өзбекистандики һәрбий базини давамлиқ ишлитидиғанлиқини билдүргән

Мухбиримиз җүмә
2015.01.31


Германийә өзбекистандики тәрмиз һәрбий базисини давамлиқ ишлитидиғанлиқини билдүргән.

Әркин явропа радиосиниң хәвәр қилишичә, бу сөзләрни германийәниң өзбекистандики баш әлчиси нейсхарт һофер виссиң 30 - январ билдүргән.

Униң ейтишичә, германийә билән өзбекистан өткән йили сентәбирдә бирләшмә қошун афғанистандин чекингәндин кейин германийәниң бирләшмә армийә қошунлири өзбек һөкүмитидин иҗаригә алған тәрмиз базисини давам ишлитидиғанлиқи һәққидә бир келишим һасил қилған.

Өзбекистанниң афған чеграсиға йеқин җайлашқан тәрмиз һәрбий базисини NATO қошунлири афғанистандики һәрбий һәрикитини маддий әшя билән тәминләшкә ишләткән иди.

NATO Афғанистандики һәрбий һәрикитини өткән йили декабирда аяғлаштурған, әмма хәвпсизлик мунасивити билән афғанистанда һәрбий мәшқавуллуқ вәзиписи үчүн 12 миң 50 кишилик қошун қалдурған иди.

Мәлум болушичә, германийиниң афғанистанда 850 кишилик қошуни бар болуп, германийә мәзкур базини әскәрлиригә ярдәм әшялирини йәткүзиду үчүн ишлитидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.