Германийә билән хитайниң йеқин мунасивити ахирлишишқа йүзләнгән

Мухбиримиз җәвлан
2020-09-09
Share

9-Сентәбир, "япон хәвәрлири" торида "германийә йеңи һинди-асия истратегийәси қоллинип, хитай билән болған йеқин мунасивитини аяғлаштурди" намлиқ бир мақалә елан қилинған.

Мақалидә көрситилишичә, хитай билән узун йил һәмкарлиқ орнитип кәлгән германийә йеқинда истратегийәсини өзгәртип, демократик дөләтләрдин японийә, корейә қатарлиқ әлләр билән һәмкарлишишқа башлиған вә бу һәқтә йеңи сиясәт мақуллиған. Бу истратегийә фирансийә, японийә, австралийә вә шәрқий җәнубий асия дөләтлири бирләшмисигә әза дөләтләрниң сиясити билән маслишидикән. Бу хил бурулуш пүткүл явропаниң хитайдики кишилик һоқуқ кризисиға болған әндишиси вә хитайға беқинмаслиқ арзусини ипадиләп беридикән. Мақалидә ейтилишичә, германийә ташқи ишлар министири һәйк мас (Heiko Maas) 2-сентәбир мундақ дегән: "биз кәлгүсидә хәлқара йеңи тәртипниң орнитилишиға ярдәмдә болушни үмид қилимиз. Бу хил тәртип мәлум зораван күчниң қануни бойичә әмәс, хәлқара һәмкарлиқ вә қанун-низам үстигә қурулған тәртип болуши керәк".

Хәвәрдә билдүрүлүшичә, хитай әслидә германийәтниң асиядики муһим иттипақдиши болуп, германийә баш министири меркил йилда дегүдәк хитайни зиярәт қилип турған, германийәниң асия районидики содисида хитай 50 пирсәнтни игилигән. Әмма хитай германийә карханилири техника өтүнүп беришкә изчил қистап кәлгән. явропа иттипақиниң хитай билән бу хил мәсилиләрни һәл қилиш сөһбити қатмал вәзийәткә чүшүп қалған. Йәнә келип, хитайниң уйғурларни қирғин қилип, хоң коңлуқлар бастуруши вә корона вирусиниң апити германийәдә хитайға қарши еқим пәйда қилип, меркил һөкүмитигә бесим салған. 2019-Йил явропа хитайни "һәмкарлашқучи рәқиб" дәп бекитип, хитай билән болидиған сода вә техника риқабитини тәкитлигән. явропа иттипақидики муһим дөләт болған германийәму хитай билән болған мунасивитини қайтидин ойлишишқа башлиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт