Gérmaniye bilen xitayning yéqin munasiwiti axirlishishqa yüzlen'gen

Muxbirimiz jewlan
2020-09-09
Share

9-Séntebir, "Yapon xewerliri" torida "Gérmaniye yéngi hindi-asiya istratégiyesi qollinip, xitay bilen bolghan yéqin munasiwitini ayaghlashturdi" namliq bir maqale élan qilin'ghan.

Maqalide körsitilishiche, xitay bilen uzun yil hemkarliq ornitip kelgen gérmaniye yéqinda istratégiyesini özgertip, démokratik döletlerdin yaponiye, koréye qatarliq eller bilen hemkarlishishqa bashlighan we bu heqte yéngi siyaset maqullighan. Bu istratégiye firansiye, yaponiye, awstraliye we sherqiy jenubiy asiya döletliri birleshmisige eza döletlerning siyasiti bilen maslishidiken. Bu xil burulush pütkül yawropaning xitaydiki kishilik hoquq krizisigha bolghan endishisi we xitaygha béqinmasliq arzusini ipadilep béridiken. Maqalide éytilishiche, gérmaniye tashqi ishlar ministiri heyk mas (Heiko Maas) 2-séntebir mundaq dégen: "Biz kelgüside xelq'ara yéngi tertipning ornitilishigha yardemde bolushni ümid qilimiz. Bu xil tertip melum zorawan küchning qanuni boyiche emes, xelq'ara hemkarliq we qanun-nizam üstige qurulghan tertip bolushi kérek".

Xewerde bildürülüshiche, xitay eslide gérmaniyetning asiyadiki muhim ittipaqdishi bolup, gérmaniye bash ministiri mérkil yilda dégüdek xitayni ziyaret qilip turghan, gérmaniyening asiya rayonidiki sodisida xitay 50 pirsentni igiligen. Emma xitay gérmaniye karxaniliri téxnika ötünüp bérishke izchil qistap kelgen. Yawropa ittipaqining xitay bilen bu xil mesililerni hel qilish söhbiti qatmal weziyetke chüshüp qalghan. Yene kélip, xitayning Uyghurlarni qirghin qilip, xong kongluqlar basturushi we korona wirusining apiti gérmaniyede xitaygha qarshi éqim peyda qilip, mérkil hökümitige bésim salghan. 2019-Yil yawropa xitayni "Hemkarlashquchi reqib" dep békitip, xitay bilen bolidighan soda we téxnika riqabitini tekitligen. Yawropa ittipaqidiki muhim dölet bolghan gérmaniyemu xitay bilen bolghan munasiwitini qaytidin oylishishqa bashlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet