Германийә йешиллар партийәси бремен штатлиқ парламентиға уйғурлар һәққидә тәклип лайиһәси сунди

Мухбиримиз әркин
2015-08-21
Share

Йеқинда германийә бремен штатлиқ йешиллар партийәсиниң парламент гурупписи, хитайниң уйғур елидә кишилик һоқуқни қоғдаш вә һөрмәт қилишини тәләп қилип бир тәклип лайиһәси тәйярлиған.

Мәзкур партийә тәклип лайиһәсини бремен штатлиқ бирләшмә һөкүмәттики шерик партийә- сотсиял демократлар партийәсигә сунған.

Әгәр сотсиял демократлар партийәси мәзкур лайиһәни қобул қилса, у бремен штатлиқ парламентида авазға қоюлиду.

Германийә бремен штатлиқ йешиллар партийәси парламент әзаси мустафа камал өзтүрк, түркийә ахбарат васитилириға бәргән учурида, уйғурларниң өз юртида еғир кишилик дәпсәндичиликигә учраватқанлиқини, уларниң хәлқарада айримичилиққа учрап, хәлқара панаһлиқ һәқ-һоқуқлиридин мәһрум қеливатқанлиқини тәкитлигән.

Мустафа өзтүрк: "уйғурларниң ярдәм нидалири пат-пат өткүзүп туридиған намайишлирида яңрап турсиму, һечқандақ илгириләш болмайватқанлиқини көрүп, мән бу тәклипни тәйярлаш қарариға кәлдим" дегән.

Униң көрситишичә, әгәр тәклип лайиһәсини сотсиял демократлар партийәси қобул қилса, әң қисқа вақитта штатлиқ парламентта күнтәртипигә келиду.

Өзтүрк: "бу мәсилидә бременниң барлиқ штатларни тәң һәрикәткә кәлтүрүш үчүн рәһбәрлик қилишни халаймиз" дәп көрсәткән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт