Gérmaniye yéshillar partiyesi brémén shtatliq parlaméntigha Uyghurlar heqqide teklip layihesi sundi

Muxbirimiz erkin
2015-08-21
Élxet
Pikir
Share
Print

Yéqinda gérmaniye brémén shtatliq yéshillar partiyesining parlamént guruppisi, xitayning Uyghur élide kishilik hoquqni qoghdash we hörmet qilishini telep qilip bir teklip layihesi teyyarlighan.

Mezkur partiye teklip layihesini brémén shtatliq birleshme hökümettiki shérik partiye- sotsiyal démokratlar partiyesige sun'ghan.

Eger sotsiyal démokratlar partiyesi mezkur layiheni qobul qilsa, u brémén shtatliq parlaméntida awazgha qoyulidu.

Gérmaniye brémén shtatliq yéshillar partiyesi parlamént ezasi mustafa kamal öztürk, türkiye axbarat wasitilirigha bergen uchurida, Uyghurlarning öz yurtida éghir kishilik depsendichilikige uchrawatqanliqini, ularning xelq'arada ayrimichiliqqa uchrap, xelq'ara panahliq heq-hoquqliridin mehrum qéliwatqanliqini tekitligen.

Mustafa öztürk: "Uyghurlarning yardem nidaliri pat-pat ötküzüp turidighan namayishlirida yangrap tursimu, héchqandaq ilgirilesh bolmaywatqanliqini körüp, men bu teklipni teyyarlash qararigha keldim" dégen.

Uning körsitishiche, eger teklip layihesini sotsiyal démokratlar partiyesi qobul qilsa, eng qisqa waqitta shtatliq parlaméntta küntertipige kélidu.

Öztürk: "Bu mesilide bréménning barliq shtatlarni teng heriketke keltürüsh üchün rehberlik qilishni xalaymiz" dep körsetken.

Toluq bet