Ghayiblar a'ile-tawabi'atlirini ziyaret qilmaqchi bolghan awstraliye we firansiyelik muxbir tosqunluqqa uchridi

Muxbirimiz shöhret hoshur
2014-02-10
Élxet
Pikir
Share
Print

Melum bolushiche, ötken hepte jüme künliri ürümchidiki ghayiblar a'ile-tawabi'atlirini ziyaret qilmaqchi bolghan awstraliye we firansiyelik ikki muxbir awarichilikke uchrighan.

Anglighuchilirimizning bayan qilishiche, awstraliyelik muxbir eslide tyen'enmén hujumchisi osman hesenning mehellisini ziyaret qilmaqchi bolup yolgha chiqip ürümchige barghinida ghayib zakir memetning ayali aypasha bilen körüshken؛ muxbir emdila ziyaritini bashlishigha neq meydan'gha saqchilar yétip kélip, muxbirni ürümchi sheherlik saqchi idarisige élip barghan we 7 sa'et soraq qilghandin kéyin, mezkur a'ililer bilen qayta sözleshmeslik sherti bilen qoyup bergen.

Yene ashkarilinishiche, tünügün yeni yekshenbe küni ghayiblar a'ile-tawabi'atliridin patigül ghulam we hélaji bilen körüshken firansiyelik muxbirmu saqchi idarisige apirilip, birqanche sa'et soraq qilin'ghandin kéyin béyjinggha qayturuwétilgen.

Yéqindin buyan Uyghur rayonida yüz bergen qarshiliq heriketliri chet'el muxbirlirining Uyghur weziyitige bolghan qiziqishini kücheytmekte؛ emma xitay saqchiliri ziyankeshlikke uchrighan a'ililerning téléfonlirini oghriliqche anglash arqiliq, ularning chet'el muxbirliri bilen uchrishishigha tosqunluq qilmaqta.

Toluq bet