Gérmaniyede ghayib bolghan, qolgha élin'ghan we sotsiz öltürülgen Uyghurlar mesilisi heqqide yighin ötküzülidu

Muxbirimiz erkin
2014-04-11
Élxet
Pikir
Share
Print

14‏-Apréldin 16‏-aprélgha qeder gérmaniyening myunxén shehiride Uyghur kishilik hoquq weziyiti heqqide xelq'ara yighin échilidu.

Wakaletsiz milletler teshkilati, xeter astidiki xelqlerni qoghdash jem'iyiti, d u q qatarliq teshkilatlar birliship uyushturghan bu yighinda, nuqtiliq Uyghur ghayiblar mesilisi, xalighanche qolgha élish, sotsiz öltürüsh, adem ichki ezalar etkeschilik qatarliq mesililer muzakire qilinidu.

D u q yighinning 13‏-aprél myunxénda ötküzülidighan Uyghur medeniyet kéchiliki bilen bashlinip, 14‏-aprél resmiy küntertipke ötidighanliqini bildürdi.

Yighinning küntertipidin melum bolushiche, yighinning 1‏-küni d u q re'isi rabiye qadir xanim, wakaletsiz milletler teshkilatining rehbiri marino bustachin qatarliq kishiler nutuq sözleydu. Shu küni yene, pa'aliyetchi we mutexessisler Uyghur ilining kishilik hoquq weziyiti, nöwettiki siyasiy dawalghush, "5‏-Iyul weqesi" din kéyin xitayning Uyghur siyasitide yüz bergen özgirishi qatarliq mesililerni muzakire qilidu.

Yighinning qalghan künliridiki küntertipide ghayiblar mesilisi, sherqiy türkistanda yüz bériwatqan qanunsiz qolgha élish, sotsiz öltürüsh qatarliq mesililerni, shundaqla yene qandaq yol we xelq'ara istratégiyelerni qollinip, xitayning insanliqqa qarshi bu xil jinayitige xatime bérish mesilisini muzakire qilidu.

D u q, bu yighin xelq'araning diqqitini yuqiriqi jiddiy mesilige jelp qilish üchün di'alog soruni yaritip béridighanliqini bildürgen.

Toluq bet