Ғайибларниң уруқ-туғқанлири «тик-ток» филимлирида тутқунларниң әһвалини ашкарилимақта

Мухбиримиз әзиз
2019-08-20
Елхәт
Пикир
Share
Принт

Хитай һөкүмити изчил лагерларниң мәвҗутлуқини инкар қилип келиватқанда уйғурлар дияриниң һәрқайси җайлирида уруқ-туғқанлири лагерларға елип кетилгәнләрниң әһвали «тик-ток» филимлирида васитилик һалда әкс әттүрүлүшкә башлиди.

Бу қисқа видийо көрүнүшлиридә музика вә сүрәтләрниң бирикмиси арқилиқ ғайиб болған лагер тутқунлириниң сүрәтлири көрситилиду. Йәнә келип бу видийолардики шәхсләрниң тарамлап яш төккән һалда ғайиб болған йеқинлирини әслиши бу кишиләрниң зорлуқ васитиси арқилиқ намәлум җайларға елип кетилгәнликидин бешарәт беридикән. Буниңдин илгирирәк кәң тарқалған «ялғанчи ака», «ялғанчи дада» дегән шәкилләрдики тик-ток филимлириға қариғанда һазирқи филимларда кишиләр техиму биваситә һалда ғайиблар һәққидә мәлумат бериду.

Австралийәдики сидней университетиниң лектори доктор дейвид брофий бу һәқтә тохтилип: «буниңдики уйғурлар наһайити зор хәтәргә тәвәккүл қилип туруп, уруқ-туғқанлириниң әһвалини ашкарилиған. Бу һал маһийәттә шинҗаңдики хәлқләрниң һазир болуватқан ишларға болған наразилиқини ипадиләштики бир бурулуш нуқтиси болуп қелиши мумкин» дәйду.

Пикирләр (0)
Share
Толуқ бәт