«Уйғурбиз» тори ғайип болған мутәллип имин һәққидә мураҗәтнамә елан қилди

Мухбиримиз меһрибан
2013-09-03
Елхәт
Пикир
Share
Принт

«Уйғурбиз» тори 30 - авғуст «мәҗбурий ғайиб болған зиянкәшликкә учриғучилар хәлқара күни» дә, баянат елан қилип, түркийидә оқуватқан мутәллип иминнниң «мәҗбури ғайиб қилинған» лиқ вәқәсигә көңүл бөлүшкә чақирди. Баянатнамида, хәлқара җәмийәтни мутәллип имин қатарлиқ «мәҗбурий ғайиб болған вә зиянкәшликкә учриғучиларға көңүл бөлүш» кә вә уларниң из - дерикини қилишқа чақириқ қилған.

«Уйғурбиз» торида «мәҗбурий ғайиб қилиниш» аталғуси һәққидә тохтилип, «мәҗбури ғайип қилиниш һөкүмәт органлириниң, әмәлдарларниң яки һөкүмәткә вакалитән иш беҗиридиғанларниң, һөкүмәт қошулған яки йол қойған әһвал астида, алақидар кишиләрни арзусиға хилап һалда қолға елиш, тохтитип қоюш яки тутқун қилиш, әркинликидин мәһрум қилиш, ахирида уларниң тәқдири яки из - дерикини ашкарилашни рәт қилиш, яки уларни әркинликидин мәһрум қилғанлиқни итирап қилишни рәт қилиш арқилиқ, ақивәттә уларни қанунлуқ қоғдиништин мәһрум қалдуруштәк қилмишни көрситиду.» Дегән баянлар берилгән.

Мутәллип имин хотән лоп наһийисидин болуп, у 2012 - йили 6 - айда бейҗиң милләтләр университетиниң инглиз тили тәрҗиманлиқ кәспини түгәткән. У түркийә дөләтлик оқуш мукапатиға илтимас қилип, 2012 - йили 10 - айда истанбул университетиниң җәмийәтшунаслиқ кәспидә магистирлиқ оқушиға қобул қилинған. «Уйғурбиз» торида бундин илгириму мутәллип иминниң қиз дости атикәмниң мутәллип иминниң из - дерикини қилип елан қилған икки парчә мақалиси берилгән болуп, уларда мутәллип иминнниң хитай дөләт аманлиқини қоғдаш хадимлири тәрипидин тутқун қилинған болиши мумкинлики илгири сүрүлгән иди.

Пикирләр (0)
Share
Толуқ бәт