Xitay gherb axbaratlirini "Uyghurlargha yan basti" dep eyiblidi

Muxbirimiz eziz
2018-12-25
Élxet
Pikir
Share
Print

Uyghurlar diyaridiki basturush we zulumlargha munasiwetlik köpligen xewerler gherb axbaratlirida köplep yer alghandin kéyin xitay hökümiti qaytidin gherb dunyasini "Qosh ölchem" mesilisi boyiche eyiblidi.

Xitay merkiziy téléwiziye istansisining 24-dékabirdiki xewiride éytilishiche, xitay tashqi ishlar ministirliqining bayanatchisi xu'a chünying "Gherb dunyasi térrorluqqa qarshi turush mesiliside qosh ölchem qolliniwatidu" dep dawa qilghan. U bu heqte qilghan sözide "Ular hökümitimizning térrorluqqa we esebiylikke qarshi turush tirishchanliqini Uyghurlargha yaki musulmanlargha qaritilghan heriket, dep teshwiq qilmaqta" dégen. Halbuki alaqidar melumatlar hemde közetküchiler xitay hökümitining "Térrorluqqa qarshi turush" herikiti jeryanida Uyghurlardin bashqa héchqandaq xitay ahalisining ziyankeshlikke uchrimighanliqini algha sürüp kelgen idi.

Xitay hökümitining kaniyi hésablinidighan shinxu'a agéntliqimu 25-dékabir küni bash maqale élan qilip "Bezi döletlerning térrorluqqa qarshi turush tedbirlirimizni siyasiylashturushi hemde uninggha qara sürkishige qarshi turimiz" dégen. Shuningdek buningda bir qisim gherb döletlirining nöwette xitayda ijra qiliniwatqan "Térrorluqqa qarshi turush tedbirliri" ni Uyghurlarni tutqun qilish yaki Uyghurlarni assimilyatsiye qilish, dégendek namlarda teshwiq qilghanliqini eyibligen. Shuning bilen birge bir qisim gherb siyasiyonliri we hökümetlirini epqachti geplerge ishen'genlikte tenqidligen.

Emma Uyghurlar diyaridin éliniwatqan birinchi qol melumatlar hemde bu jaylardiki lagérlardin chiqqan guwahchilarning guwahliq sözliri izchil türde Uyghurlarning pütkül millet boyiche hujum nishani qiliniwatqanliqini, basturush we tutqunning Uyghurlarni asasliq nishan qiliwatqanliqini körsetmekte.

Toluq bet