Gordon chang: “Gherb choqum xitayni meghlup qilishi kérek”

Washin'gtondin muxbirimiz irade teyyarlidi
2023.09.21

Amérikadiki tonulghan xitay ishliri mutexessisi gordon chang, “Gherb choqum xitayni meghlup qilishi kérek” dégen.

U, “Xewer heptiliki” zhurnilida élan qilghan obzor maqaliside amérikaning sabiq prézidénti niksonning 1967-yilida qilghan xitay bilen yéqin munasiwet ornitip turup, uni xelq'ara sistémigha birleshtürüsh heqqidiki meshhur chaqiriqining yérim esir boyiche amérikaning we gherbning xitaygha qaratqan siyasitining asasi bolup kelgenlikini, emma bügün'ge kelgende bu köz qarashning xata bolghanliqining ispatlan'ghanliqini bayan qilghan.

U maqaliside “Hazirgha kelgende xitayning meghlup bolushi bizning menpe'etimizge uyghun. Bizning bashqa tallishimiz yoq. Eger kommunist xitay ghelibe qilsa, bu gherbning chökkenlikidin dérek béridu” dégen.

Gordon chang maqaliside rand tetqiqat merkizi (RAND) ning sabiq tetqiqatchisi sikot héroldning özige dégen sözini eslep, “Amérikaning ilgiri xitaygha qaratqan siyasitining xata bolushi xitay kompartiyisining düshmenliki, rehimsizliki we iradisini tüptin töwen mölcherligenliktin kep chiqqan” dégen.

U maqalisining axirida xitayning amérika bilen bolghan kürishini “Hayat-mamatliq küresh” dep qaraydighanliqini eskertip, “Biz bu küreshte choqum ghelibe qilishimiz kérek” dep yazghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.